DİM kollektivi niyə bu qədər savadsızdır?
Tehsil.media olaraq Məleykə Abbaszadə və bütün komandasını bir az savadlanmağa, öyrənməyə, inkişafa dəvət edirik.
DİM-in test tapşırıqlarının çətinliyi ilə bağlı mövqeyi pedaqoji ölçmə (testologiya) prinsiplərinə ziddir. İmtahanın asanlığı və ya çətinliyi iştirakçıların fərdi hazırlıq səviyyəsindən deyil, tapşırığın özündəki idrak prosesinin mürəkkəbliyindən asılıdır.
1. DİM-in "tapşırıqlar iştirakçıya görə dəyişir" arqumenti qiymətləndirmənin məqsədini şübhə altına alır. Standartlaşdırılmış imtahanda tapşırığın çətinliyi iştirakçının zehni hazırlığından asılı olmayaraq, Blum taksonomiyası üzrə öncədən müəyyən edilməlidir.
2. "Çətinlik" Nədir? (Mexaniki vs. Məntiqi)
DİM-in tərtib etdiyi testlərdə tez-tez rast gəlinən səhv yanaşma: bir tapşırığa 5 fərqli mövzudan faktı "yığmaq". Bu, sualı çətinləşdirmir, sadəcə yaddaş yükünü artırır.
Mexaniki çətinlik (DİM-in yanaşması): Məlumatın həcmi çoxdur, yaddaş və diqqət yoxlanılır.
İdrakı çətinlik (Obyektiv yanaşma): Tapşırıq biliklərin təhlilini , sintezini və ya qiymətləndirilməsini tələb edir.
3. Testin çətin olması subyektiv rəy deyil, statistik göstəricidir. Əgər bir tapşırığı kütlə düzgün cavablandıra bilmirsə, bu iştirakçının hazırlıqsızlığı deyil, tapşırığın idrak səviyyəsinin təlim proqramı ilə uyğunsuzluğudur.
Testin çətinliyi "iştirakçıdan" deyil, tapşırığın tərtib metodologiyasından asılıdır. DİM-in bu arqumenti elmi metodologiyadan yayınmaq və məsuliyyəti iştirakçıya yükləmək cəhdidir.
