Son olanlardan sonra təhsilmedia.az saytı olaraq təklif irəli sürürük ki, psxioloji klublar yaradılsın. Madam ki, davamlı bu hadisələr olur və hər kəs bir- birini günahlandırır, problemin həllini düşünmək yerinə problemi daha da böyüdürlər. Bunlar haqqında danışmaq, paylaşmaq digər insanları daha da cəsarətləndirir, problem sayının daha da çox artmasına təkan verir.

Valideyn və ya müəllimi günahlandırırlar. Hər kəs günahı digərində görür. Valideynlər günümüzün problemi olaraq gərgin iş rejimində olurlar və əksərən yaşam savaşı verirlər. Bu halda birtərəfli düşünüb valideynləri günahlandırmaq və ya birbaşa müəllimləri günahkar elan etmək heç bir problemi həll etmir.

Bu yersiz mübahisələri böyütməkdənsə, ciddi addımlar atıb problemi köklü şəkildə həll etmək lazımdır.

Unutmayaq ki, məktəb təlim- tərbiyə müəssisəsidir. Məktəbin işi müxtəlif ailələrdən gələn, fərqli tərbiyə və fərqli mühitdən gələn uşaqlara eyni sinif mühitində təlim- tərbiyə vermək, cəmiyyətə hazırlamaqdır. Qarşıdakı valideynlər savadsız, mənfi xüsusiyyətli, imkansız və s ola bilər. Amma bu uşağın günahı deyil. Valideynlik sənədi yoxdur , amma müəllimlər psixoloq və pedaqoq kimi diplom sahibidirlər. Müəllim andı içiblər. Məktəb bütün uşaqlar üçün tərbiyə sisteminin formalaşdırılmasına xidmət etməlidir.

Məktəblərdə psixoloqlar olmalıdır və direktora hesabat verməlidirlər. şagirdlərin isə psixoloji yardım almaq hüququ vardır. Bütün bunlara əsasən gəlin "Psixoloji klublar" yaradaq. Həm onlayn , həm də əyani klublar təşkil edilsin. Bütün şagirdlər vaxtaşırı klublarda iştirak etsinlər, sosial layihələrə cəlb olunsunlar. Valideynlər məlumatlandıırlsınlar. Hətta tapşırıqlar verilsin. Vaxtaşırı bu kimi halları sosial mediadan, ordan- burdan eşitmək yerinə düzgün şəkildə mütəxəssislər tərəfindən dəyərləndirilməsi və təhlil edilməsi, birlikdə müzakirələrin olması şagirdlər üçün, eynilə müəllim və valideynlər üçün daha uğurlu olacaqdır.
İstər şagirdlərin yaş xüsusiyyətləri, istər əxlaqi, narkotik, içki, siqeret, sevgi, dəyərlər və s haqda məlumatlar peşəkar mütəxəssilər tərəfindən verilsin. Bu həm şagirdlərin asudə vaxtlarını düzgün şəkildə dəyərləndirməsinə, həm də problemlərin tədricən azalıb aradan qalxmasına təkan verəcəkdir.

Qeyd edək ki, daha öncə də bir neçə təklif irəli sürmüşdük:
Dini dərslərin verilməsi
Cinsi tərbiyə dərslərinin verilməsi
Məktəb kollektivi arasında əməkdaşlığın təmin olunması