BSU tələbələri “Heydər Əliyev adına təqaüd”qazanıblar

Bakı Slavyan Universitetinin (BSU) Təhsil fakültəsinin İbtidai sinif müəllimliyi ixtisasında təhsil alan IV tədris ili tələbəsi Ləman Allahverdiyeva və Xarici dil müəllimliyi fakültəsinin İngilis dili müəllimliyi ixtisasında təhsil alan II tədris ili tələbəsi Sənan Əliyev “Heydər Əliyev adına təqaüd” qazanıblar.

tehsilmedia.info xəbər verir ki, Prezident İlham Əliyevin 24 iyun 2023-cü il tarixli müvafiq Sərəncamı ilə bakalavriat səviyyəsində əyani formada təhil alan və təhsildə yüksək nailiyyətləri olan 100 nəfər tələbə üçün “Heydər Əliyev adına təqaüd” təsis edilib.

Qeyd edək ki, təqaüd dövlət büdcəsinin vəsaiti hesabına 3000 manat məbləğində birdəfəlik ödənilir.