İngiltərə, Fransa və Almaniyadan sonra Türkiyədən təhsillə bağlı bir İLK: Yeni ŞƏBƏKƏ QURULUR

İngiltərə, Fransa və Almaniyadan sonra Türkiyədən dünya səviyyəsində təhsil şəbəkəsinin qurulması ilə bağı açıqlama gəlib.

"tehsilmedia.info" Türkiyə mətbuatına istinadən, xəbər verir ki, 51 ölkədə təhsil verdiyini bildirən Birol Akgün ingilis, fransız və alman məktəblərində olduğu kimi, türk məktəblərində də təhsil zənciri formalaşdığını deyib: "Bu, bizim üçün qürurvericidir", - deyə Akgün vurğulayıb.

Türkiyə Maarif Vəqfinin (TMV) Belçikadakı fəaliyyətini araşdırmaq və bir sıra əlaqələr qurmaq üçün Brüsselə gəldiyini deyən Akgün 2016-cı ildə qurulan TMV-nin 51 ölkədə 400-ə yaxın məktəbdə 52 min şagirdə xidmət etdiyini bildirib: “Dünyanın 6 qitəsində, Amerikada, Avstraliyada, Afrikada 25 ölkədə, bütün Balkanlarda bu sistem mövcuddur. Bəzi Aİ-yə üzv ölkələrdə, Əfqanıstanda, Pakistanda, Gürcüstanda, Azərbaycan və Qırğızıstan kimi Qafqaz və Mərkəzi Asiya ölkələrində təhsil fəaliyyəti həyata keçiririk".

Akgün TTMV-nin indiyə qədər çox uğurlu nəticələr əldə etdiyini vurğulayıb: "Ötən illərdə hər 100 tələbədən universitetə yerləşdirmədə 99 faiz müvəffəqiyyət əldə etdiyimizi deyə bilərik. Bu, bizi həvəsləndirir". Birol Akgün əlavə edib ki, TMV Belçikada 350 tələbəni bu proqramlarla dəstəkləməklə yanaşı, Flamand bölgəsində də 900 tələbəyə türkcə dərsi verir.

Müşviq Tofiqoğlu