Hər bir tələbə bakalavr təhsilini bitirdikdən sonra magistratura təhsili almaq istəyir. Amma bəzən magistr təhsilinin mahiyyətini anlamadan bunu edən tələbələrə də rast gəlinir. Bəs görəsən Azərbaycanda magsitratura təhsili almaq nə dərəcədə vacibdir? Yenidən 2 il oxumaq tələbələrə nə kimi üstünlüklər qazandırır?

Mövzunu tehsil.media-a şərh edən təhsil eksperti Elşən Qafqarov bildirib ki, ali təhsil yüksək ixtisaslı kadrların yetişdirilməsi prosesini həyata keçirir: "Ali təhsil 3 səviyyədən ibarətdir. Bakalavr, magistr və doktarantura. Bakalavr təhsili də ali təhsil hesab olunur. Ali təhsil müəssisələrindən və elmi tədqiqat inistutlarından başqa bütün işlər üçün bakalavr təhsili kifayət edir. Elmi pedoqoloji fəaliyyətlə məşğul olmaq və ali təhsil müəssisələrində dərs demək üçünsə, magistratura təhsili almaq vacibdir".

Ekspertin sözlərinə görə, magistratura təhsili gənclərə iş tapmaqda heç bir köməklik etmir: "Bütün sahələr üzrə ali məktəblərdə magistratura təhsili var. Eyni zamanda bir neçə ildir ki, magistratura təhsili üzrə sabah qrupları da fəaliyyət göstərir. Əgər tələbələrin elmi işlərdə işləmək kimi arzusu yoxdursa, o zaman təhsilin bu pilləsində oxumağa ehtiyac qalmır".

Ülkər Abdurahmanlı