Nazir sertifikasiyadan yüksək bal toplayan müəllimlə görüşüb
Avqustun 30-da elm və təhsil naziri Emin Əmrullayev Zaqatala rayonunda vətəndaşları qəbul edib. Qəbulda Zaqatala, Şəki, Oğuz, Qəbələ, Qax və Balakən rayonlarının sakinləri iştirak ediblər.
tehsilmedia.info xəbər verir ki, nazir Zaqatalaya səfər zamanı rayonun Aşağı Tala kənd 3 nömrəli tam orta məktəbinin ibtidai sinif müəllimi Südabə Qazıyeva ilə görüşüb. Görüş zamanı müəllimlərin sertifikatlaşdırılması imtahanının nəticələri və rayonda təhsilin keyfiyyəti barədə fikir mübadiləsi aparılıb.
Qeyd edək ki, sertifikatlaşdırmada ölkə üzrə ən yüksək nəticə əldə edən müəllimlərdən biri olan Südabə Qazıyeva həm də Vətən Müharibəsi Qəhrəmanı, şəhid Valeh Bədəlovun anasıdır.
