Elm və Təhsil Naziri Emin Əmrullayev 21 aprel Sabirabadda vətəndaşları qəbul edəcək. Qəbulda olmaq istəyənlərdən biri də Əliyeva Aybəniz Ərşad qızıdır. Goranboy Rayonu T. Məmmədov adına Hazırəhmədli kəndi tam orta məktəbinin 35 illik müəllimi Cənab Emin Əmrullayevlə görüşüb öz problemlərini dilə gətirmək istəyir.
Qeyd edək ki, Əliyeva Aybəniz müəllim T. Məmmədov adına Hazırəhmədli kənd tam orta məktəbinin Azərbaycan dili və ədəbiyyatı üzrə müəllimi kimi fəaliyyət göstərmişdir. Sertifikasiyadan kəsildiyi üçün işdən azad edilmişdir. Daha sonra dövlətin qərarına uyğun olaraq həmin məktəbdə işlə təmin olunmaq istəsə də, "müəyyən" səbəblərdən Aybəniz xanımı təhsildən uzaqlaşdırırlar. Qeyd edək ki, Aybəniz xanım ixtisası üzrə diaqnostikadan 35 bal, sertifikasiyadan 28 bal toplamışdır. Maraqlı olan budur ki, Aybəniz xanımdan aşağı bal toplayanlar işlə təmin edilmişdir, müəllim kimi bərpa olunmuşdur amma Aybəniz xanımı heç cür işlə təmin etmirlər.
Çox ağır həyat keçirən Aybəniz xanım dövlətimizin qanunlarına əsasən öz hüququnu tələb edir və məktəbdə 3 vakansiya olduğu üçün işlə təmin edilməsini tələb edir. Hətta bunun üçün lazım olan hər yerə müraciət də etmişdir amma davamlı maxinasiyalarla qarşılaşmış, hər kəs günahı öz üst müdirlərinə yönəltmişdir. Qeyd edək ki, Aybəniz Əliyeva həm də qanuni cəhətdən bir neçə statusa da malikdir ki, bu statuslar xanımı daha tez bir zamanda işlə təmin edilməsinin vacibliyini sübut edir.
1. Aybəniz xanım Veteran ailəsidir. Atası ikinci dünya müharibəsində iştirak etmişdir.
2. Sol tərəfi anadangəlmə əqli və fiziki cəhətdən qüsurlu olan
və orqanlarının 60-80%-i işləməyən övlada baxır
3. 100 yaşını keçmiş yataq xəstəsi olan qaynanasına baxır.
4. Yoldaşının isə sol gözü çox zəif görür.

35 ilin zəhmətkeş və sevilən müəlliminə 3 vakansiya olduğu halda, iş vermirlər. Səbəb ayrı-seçkilik, vəzifə səlahiyyətlərindən sui-istifadə etmək, maxinasiyalardır.

Aybəniz Əliyeva Anar Qədiməliyev, Xəyal Məmmədov, Təranə Cəbrayılovanın qəbullarında olmuş amma heç kim kömək göstərməmişdir.
12 balı diaqnostikdən, 16 bal sertifikasiyadan keçəni müəllim kimi bərpa edirlər, amma Aybəniz xanımı işlə təmin etmirlər.

Aybəniz xanım Aslan müəllim, Nəzakət müəllimin, Teymur müəllimin, Əli Cəfərovun qəbulunda olub Prezident Administrasiyasının da qəbulunda olub.

Əli Cəfərov, Xəyal Məmmədovun, Anar Qədiməliyev, Elçin Kərimov ancaq şablon cavablar verir və heç bir dəstək göstəmirlər. Regional idarədən belə içəri qoymaq istəmirlər. Eşqi Bağırovun qəbuluna yazmaq istəməsələr də, min bir zülmlə qəbula yazılmışdır, amma yenə heç bir nəticə olmamışdır. Maxinasiyalarla məşğul olan Təranə Cəbrayılova T. MƏMMƏDOVA adına Hazırəhmədli tam orta məktəbində direktor kimi çalışır, hətta Aybəniz xanımı məhkəməyə verdi və ona 10000 manat cərimə kəsdirdi. Birmənalı olaraü Aybəniz xanımı təhsildən uzaqlaşdırmaq və öz xeyirlərinə addım atmaq üçün hər cür şəbəkələşmədən istifadə edirlər.

tehsil.media saytı olaraq Aybəniz xanım bizə müraciət edərək vəziyyəti ictimailəşdirməyimizi və 21 aprel Sabiradda keçiriləcək Nazirlə görüşdə özü şəxsən Emin Əmrullayevlə görüşməyi istəyir. Aidiyyatı qurumlardan xahiş edərək qəbula yazılmağı və öz problemlərini dilə gətirib işlə təmin olunmasını istəyir.