Beynəlxalq Biologiya Olimpiadasına SEÇİM imtahanı keçiriləcək

Beynəlxalq Biologiya Olimpiadasında ölkəmizi təmsil edəcək şagirdləri müəyyənləşdirmək üçün seçim imtahanı keçiriləcək.

Aztəhsil.az xəbər verir ki, imtahanda Respublika fənn olimpiadalarının qalibi olmuş 9–11-ci sinif şagirdləri iştirak edə bilərlər.

Seçim imtahanı 16 may 2026-cı il tarixində Təhsil Texnologiyaları Mərkəzində baş tutacaq.

İmtahan iki seansdan ibarət olacaq. Seanslar arasında fasilə veriləcək.

• I seans — saat 10:00
• II seans — saat 14:00

İmtahana mütləq şəxsiyyət vəsiqəsi ilə gəlmək lazımdır. İştirakçılar imtahana xətkeş və elmi kalkulyator gətirməlidirlər. İmtahanda spektrofotometriya metodu ilə bağlı tapşırıqlar olacaq, iştirakçılara tövsiyə edilir ki, bu metodu araşdırsınlar.