Uşaqların sevimlisi, peşəkar müəllim SÜDABƏ XANLAROVA

Hörmətli tehsilmedia.info saytı izləyiciləri bu gün sizlərə Məktəbəqədər təhsildən çox savadlı, işinin peşəkarı, sevərək uşaqlarla bir dünya yaradan və yaşadan Südabə Xanlarova qonağımızdır. Öz kreativ məşğələləri və daim öz üzərində işləməsi ilə xüsusilə təqdirəlayiq olan bu müəllimi bütün Azərbaycan xalqı tanımalıdır. Çünki bizim belə müəllimlərə hər zaman ehtiyacımız var. Sözsüz ki, Südabə müəllim kimi peşəkar mütəxəsisslərimizi tanıtmaq valideynlərimizin və xalqımızın təhsilə və bağçalara olan inamını bir daha doğruldacaqdır.

Südabə xanım, xoş gördük sizi. Əvvəlcə, istərdik ki, izləyicilərimiz üçün özünüzü təqdim edəsiniz.

- Mən də öz növbəmdə hər kəsi salamlayıram. Dəvətiniz üçün təşəkkürümü bildirirəm. Mən
Südabə Xanlarova Rəşid qızı 1983-cü ildə Zəngilan rayonunun Şayıflı kəndində anadan olmuşam. Hal-hazırda Bakı şəhərində yaşayıram, ailəliyəm, 3 övladım var. 14 ildir 241 saylı k/evi, uşaq bağçasında tərbiyəçi-müəllim kimi fəaliyyət göstərirəm.

Bir daha sizə işinizi uğurlar arzulayırıq. Südabə müəllim, ixtisasınızı sevərək seçmisiniz, yoxsa seçib sonra sevmisiniz?

- Uşaqlarla işləməyi çox sevirəm. İxtisasımı sevərək seçmişəm.

Təhsildə hansı uğurlarınız mövcuddur? Uğurlarınızı nəyə borclusunuz?

-2 layihə yaratmışam.
Birincisi, "Müəllim-Valideyn əməkdaşlığı" layihəsinin Azərbaycanda, eləcə də dünyada ilk yaradıcısı mən olmuşam. Bu üsul müəllim-valideyn əməkdaşlığının əyani göstəricisidir. Mən çox istərdim ki, bütün bağçalar bu üsuldan istifadə etsinlər. Artıq 8 ildir ki, bu üsulu öz qruplarımda tətbiq edirəm. Çox uğurlu bur layihə oldu. Valideynlər də çox sevərək bu layihədə iştirak edirlər.

İkinci irəli sürdüyüm layihə isə "Geri dönüşüm"dir. "Yaşıl dünya naminə" politelin torbalardan 25 saata 15 dəst paltar lazırladım və təqdim etdim.

- Hər bir uğurumu əzmkarlığıma borcluyam.

Peşənizi sevərək yerinə yetirməyiniz məlumdur. Bəs bu peşədə çalışarkən hansı çətinliklərlə qarşılaşmısınız?

-Peşəmi çox sevdiyimdən çətinlik barədə heç düşünməmişəm. Elə bir böyük çətinliyim olmayıb. İnsanın işini sevərək etməsi, məncə, bütün çətinlikləri geridə qoymasına əsas olur.


Müəllimlik peyğəmbərlik sənətidir. Siz bu ifadəyə necə münasibət göstərirsiniz?


Müəllim - valideyn-uşaq münasibətini necə yaradırsınız? Sizcə, həqiqətən önəmlidir?

-Mən bu ifadə ilə tamamilə razıyam. Hər bir peşə sahibinin müəllimi müəllimdir.


Təhsildə davamlı keçirilən təlimlər haqqında nə düşünürsünüz?

- Yeniliklərin öyrənilməsi üçün təlimlər olmalıdır.


Təhsil sistemində baş verən dəyişikliyə münasibətiniz necədir?

- Məni çox da qane etmir.

Təhsilin insan həyatındakı rolu nədən ibarətdir?

- Təhsil insanın gələcəyidir.

Uşaqlarla işləmək sizdə hansı düşüncələri formalaşdırır?

-Uşaqlarla işləyən müəllimə zahirən qocalsa da, daxilən həmişə cavan olur.

Təhsil sistemində dəyişiklik etmək istəsəydiniz nəyi dəyişərdiniz?

-Müəllimlərin gündəlik yazılarını azaldardım.

İşlədiyiniz müddətdə sizə xoş təsir edən ya da maraqlı hansı xatirəniz var?.


- Mənim hər günüm bir xatirədir

Bir müəllim kimi sizi nə xoşbəxt edir?

-Uşaqların sevgisi, valideyinlərin qoyduğu hörmət. Müəllim üçün bundan böyük xoşbəxtlik ola bilməz.

Uşaqlarla işləmək üçün insana nə lazımdır?

-Uşaqlara qarşı sevgi.

Son olaraq sizi izləyənlərə, gənclərə nə tövsiyyə edərsiniz?

-Hansı sənət sahibi olmağından asılı olmayaraq, öz sənətlərinin peşakarı olsunlar. Peşəkarlıq hər zaman insanı seçilən edir.



Südabə müəllim, sizə dəvətimizi qəbul edib qoşulduğunuz üçün, bizimlə müsahibəyə vaxt ayırdığınız üçün sizə dərin minnətdarlığımızı bildiririk. Hər zaman uğurlarınız bol olsun. Bizim sizin kimi müəllimlərə hər zaman ehtiyacımız var.