Təhsildə OĞRULAR...

"Ona görə də həmin insanlar böyüyüb Vətən XAİNİ olmadan öncə biz onlarda mənəviyyat, insanlıq, şərəf, vicdan deyilən- xəbərləri olmadığı xarakterik xüsusiyyətləri formalaşdırmalıyıq."


Hər kəs gücünün çatdığı qədər zülm edir. Bu təfəkkür dəyişməlidir. Təəssüflər olsun ki, gücünün çatdığı az olan özünü haqlı sayır.
Tutalım bir insanın 3 işçisi var və onları incidir, amma bir qurumun 1000 işçisi var və 1000 işçini incidir. Dövlət qurumunu biz bullinqlə cəzalandırmağı və çox dəhşətli iş gördüyünü bildiririk amma 3 nəfəri incidənə nəsə demirik.
Ya da bir insanın gücü çatır 3-5 manat pulu cibinə atsın və verməsin. Amma bir dövlət qurumu 100.000 manat pulu adına keçirir və haqqı olanlara vermir. 3 manatı cibinə atan özünü günahkar saymır, haqlı çıxarır amma 100.000 pulu öz adına keçirən günahkardır, oğrudur.
Gəlin, qəbul edək.
Hər kəs gücünün çatdığı qədər zülm edir.
Hər kəs gücünün çatdığı qədər pul oğurlayır.
Hər kəs gücünün çatdığı qədər əzir.
Hər kəs gücünün çatdığını edir.
Kim kimə qarşı güclüdürsə, "Allahlığını" onun üzərində göstərir.

Bu gün biz kiçik qurum, kiçik oğru, kiçik bullinqləri gözardı edirik. Böyük olan dövlət qurumları, təşkilatlar, Nazirlikləri və s. oğurluqla, bullinqlə, haqsızlıqla, ayrı seçkiliklə, haqq yeməklə tənqid edirik.

Gəlin qəbul edək. Onların milyonları yemək şansı var, onların yüzlərlə insanı məhv etmək şansı var, onların haqsızlıqlarının bədəlini bir xalq ödəyir amma gücləri ona çatır və onu rahatlıqla edirlər. Onlar üçün adidir. Çünki bu düşüncə ilə böyüyüblər.

Bir müəllim sinfə, bir şagird digərinə, bir qardaş bacısına... Sistem bu şəkildə kimin gücü kimə çatırsa rejimi ilə işləyir.

Ona görə də həmin insanlar böyüyüb Vətən XAİNİ olmadan öncə biz onlarda mənəviyyat, insanlıq, şərəf, vicdan deyilən- xəbərləri olmadığı xarakterik xüsusiyyətləri formalaşdırmalıyıq.