BŞTİ kurasiyalar üzrə məktəb direktorları ilə görüş keçirib - FOTO
Bakı Şəhəri üzrə Təhsil İdarəsi tərəfindən (BŞTİ) kurasiyalar üzrə ümumi təhsil müəssisələrinin direktorları ilə görüş keçirilib.
tehsilmedia.info xəbər verir ki, bu barədə "Tehsil.biz"ə BŞTİ-dən məlumat verilib.
Bildirilib ki, görüşdə çıxış edən idarənin müdir müavini Xəyalə Əhmədzadə kurasiyaların yaradılmasında əsas məqsədin idarəetmənin optimallaşdırılması, effektiv kommunikasiyanın və peşəkar inkişafın təmin olunmasından ibarət olduğunu bildirib.
X.Əhmədzadə təhsil müəssisələrində əlverişli təlim və inkişaf mühitinin təmin edilməsi, məktəblərin fəaliyyətində səmərəliliyin artırılması üçün sistemli işin aparılması və təhsil müəssisələrinin idarəetmə məsələlərindən bəhs edib.
Çıxış edənlər təhsil müəssisələrində sağlam mənəvi-psixoloji mühitin yaradılması, nizam-intizamın nəzarətdə saxlanılması, elektron sistemlərlə işin tənzimlənməsi və operativ məktəb monitorinqlərinin məzmunu ilə bağlı fikirlərini bildiriblər.
Görüşdə 28 kurasiya üzrə qeydə alınan məsələlərlə bağlı müzakirələr aparılıb, həll yolları barədə tövsiyələr verilib, təkliflər səsləndirilib.
Qarşılıqlı fikir mübadiləsi şəklində davam edən görüşdə direktorları maraqlandıran suallara aydınlıq gətirilib.
Görüşdə BŞTİ-nin Təhsilin keyfiyyətinə nəzarət sektorunun müdiri Anar Mustafazadə, Təhsilalanlarla iş sektorunun müdiri Tural Mahmudov və məktəb direktorları iştirak edib.
Qeyd edək ki, 6-14 məktəb direktorundan ibarət olmaqla 28 kurasiya fəaliyyət göstərir. Kurasiyaların fəaliyyətini 35 nəfərlik komanda (7 nəfər BŞTİ rəhbərliyi və 28 kurator) müəyyən edir.
