Firudin Qurbanov: Yalnız bilikli, yaradıcı gənclər ölkəmizin əsas gücü olacaq
“Elə gənclər formalaşmalıdır ki, müstəqil təhsil almaq bacarıqları olsun. Onlar eyni zamanda yaradıcı olmalıdırlar”.
“Azərbaycan müəllimi” xəbər verir ki, bu fikirləri Azərbaycan Dövlət Dəniz Akademiyanının tələbələri ilə görüşdə elm və təhsil nazirinin müavini Firudin Qurbanov söyləyib.
Bir neçə ildən sonra tamamilə yeni peşələrin olacağını nəzərə çatdıran nazir müavini qeyd edib ki, yalnız bilikli, yaradıcı və sağlam mənəviyyatlı gənclər ölkəmizin əsas gücü olacaq: “Dəyişən dünyada müasir problemləri yalnız çox hazırlıqlı təhsilalanlar həll edə bilərlər. Buna görə də gənclərimiz peşəkar olmalıdırlar. Peşəkar o insandır ki, problemli şəraitdə işləyə və düzgün qərar qəbul edə bilir”.
