Ölkəmiz neft gəlirlərini insan kapitalına çevirməyə nail oldu – Nazir müavini
“Heydər Əliyev daima elmə, təhsilə çox böyük diqqət yetirirdi. Bunun nəticəsidir ki, ölkə üçün müasir tələblərə cavab verən kadrlar formalaşdırılıb”.
“Azərbaycan müəllimi” xəbər verir ki, bu fikirləri Azərbaycan Dövlət Dəniz Akademiyanının tələbələri ilə görüşdə elm və təhsil nazirinin müavini Firudin Qurbanov söyləyib.
O bildirib ki, hələ sovet dövründə gənclərimizin xarici ölkələrdə təhsil alması üçün çox böyük layihələr həyata keçirilirdi: “Bəli, bizim enerji ehtiyatlarımız, neftimiz çoxdur, onun neftindən biz gəlirlər əldə edirik. Məhz ona görə də Dövlət Neft Fondu yaradıldı. Əsas şüarı o idi ki, neft gəlirlərini insan kapitalına çevirmək lazımdır. Ölkəmiz buna nail oldu”.
Firudin Qurbanov qeyd edib ki, Heydər Əliyev hər zaman təhsilə və müəllimlərə qayğı ilə yanaşırdı: “Hələ sovet dövründə gənclərimizin xarici ölkələrdə təhsil alması üçün çox böyük layihələr həyata keçirilirdi. İndi də bu proses uğurla davam etdirilir. Xaricdə təhsil üzrə Dövlət Proqramı ilə təkcə 2007-2015-ci illər ərzində 3500-ə yaxın gəncimiz dünyanın ən nüfuzlu ali məktəblərində təhsil alıb”.
