Təhsildə Eyni Yolu Təkrarlayan Liderlər: Emin Əmrullayev və Təhsil Nazirliyinin Gələcəyi

Son illər Azərbaycan təhsilində müşahidə olunan durum düşündürücüdür. Keçmiş nazir Misir Mərdanovun yolunu gedən Emin Əmrullayev, görünür, başqa çıxış yolunu tapa bilməyib. Tarixi unutmaq olmaz: Misir Mərdanov saxta diplomların satılması ilə yadda qaldı, təhsil sistemini kütləvi şəkildə “beyinsizləşdirdi”. Amma son illərində müəllimləri qorumağa başladı, onların tərəfində durdu. Beləliklə, o qədər etdiyi qanunsuzluqlar unuduldu və yaxşı nazir kimi yadda qaldı.

Tehsilmedia.az bildirir ki, Emin Əmrullayev isə eyni səhvləri təkrar etdi: təhsili çökdürdü, lazımsız addımlar atdı, sistemin strukturunu pozdu. Hətta indi, kimsə ona tənqidi fikir bildirsə, dərhal “dostluq” oyunu oynamağa çalışır – ancaq bu sadəcə görünüşdür, sistemdəki ziyan isə qalır. Təəssüf ki, bu gedişlə, nazirlikdə islahatlar deyil, yalnız görüntü dəyişir.

Belə bir halda ortaya böyük sual çıxır: Yeni təhsil nazirimiz kim olmalıdır?

Nəzərə almaq lazımdır ki, təhsil nazirinə sadəcə görünüş və siyasi manevr bacarığı yox, həm də konkret nəticə gətirəcək idarəetmə qabiliyyəti lazımdır. Hazırda bu vəzifəyə layiq iki namizəd var: Ceyhun Bayramov və Mətin Kərimov.

Ceyhun Bayramovun qabiliyyətləri tanınsa da, uzun illər ərzində təhsil sisteminin dərin böhranından çıxmaq üçün güclü idarəçilik və strateji baxış tələb olunur. Burada isə Mətin Kərimov xüsusi diqqətə layiqdir: o, təhsili bu çirkabdan çıxara, müəllimləri sistemdə motivasiya edə və məktəblərdə keyfiyyət standartlarını bərpa edə bilər.

Təhsilmedia az bildirir ki, artıq vaxt yetişib. Təhsildə yalnız görünüş və populizm yox, əməli nəticələr və dürüst idarəçilik vacibdir. Emin Əmrullayevin səhvlərindən dərs almaq, sistemi təmizləmək və müəllimləri, şagirdləri, valideynləri inandırmaq üçün Mətin Kərimov kimi islahatçı bir liderə ehtiyac var. Azərbaycan təhsilinin taleyi artıq siyasətçilərin oyununa buraxıla bilməz.

Gələcək təhsil nazirinin rolu: təhsili çirkabdan çıxarmaq, müəllimləri qorumaq və sistemdə etibarlı, dayanıqlı islahatları həyata keçirməkdir.