Qazaxda həmkarlar tərəfindən bayram süfrəsi açıldı
Bu gün Elm və Təhsil İşçiləri Həmkarlar İttifaqı Qazax Rayon Komitəsinin təşkilatçılığı ilə 80 nəfərə yaxın təhsil işçiləri üçün bayram süfrəsi açılmışdı. Rayonun ən nümunəvi, sertifikasiya imtahanında yüksək bal toplamış müəllimlərin, Qazax Dövlət Sosial – İqtisadi Kollecinin müəllim heyətinin iştirak etdiyi tədbirdə çıxış edən komitənin sədri Donora Həsənova öncə Müqəddəs Ramazan Bayramı və Novruz Bayramı münasibəti ilə tədbir iştirakçılarını təbrik etmişdir. O, bayram tədbirlərinin bu cür yüksək səviyyədə keçirilməsi və milli mentolitetimizin qorunub saxlanılmasında, başda Azərbaycan Prezidenti cənab İlham Əliyevə və Azərbaycan Təhsil İşçiləri Azad Həmkarlar İttifaqı Respublika Komitəsinin sədri (ATİAHİ) cənab Araz Paşayevə çoxsaylı təhsil işçiləri adından dərin minnətdarlığnı bildirmişdir.
Tədbirdə Azərbaycanın daha da çiçəklənməsi naminə ölkənin daxili və xarici siyasətini uğurla həyata keçirən Prezident İlham Əliyevin son illər qazandığı yüksək nailiyyətlərdən, bütün sahələrdə olduğu kimi elm və təhsil işçilərinə göstərdiyi əvəzsiz qayğlardan da söz açılmışdır.
Onu da qeyd edək ki, Qazax həmkarlar ittifaqının sədri Donora Həsənova öz iş bacarığı, müəllimlərə göstərdiyi qayığ ilə diqqəti çəkib. İş planına uyğun olaraq fəaliyyətinə görə təhsil işçilərinin rəğbətini qazanmışdır.
Daha sonra bayram şənliyi konsert proqramı ilə sona çatıb.
