Müəllimlərə hədə-qorxu gəlirlər, təhdid edirlər!!!!

Günümüzün ciddi məsələlərindən biri də müəllimlərin söz haqlarının əllərindən alınmasıdır. Xüsusən sosial şəbəkələrdə bizim və ya bizim kimi problemləri paylaşan postları bəyənmək, rəy yazmaq, öz problemlərini, narazılıqlarını dilə gətirmək qadağan edilib. ETN, MÜTDA, TKTA, ARTİ, Regionallar, hətta direktorlar haqda, fəaliyyətləri haqda heç bir şikayəti dilə gətirə bilmirlər. Müəllimlərə hədə-qorxu gəlirlər. Mobbinq, işdən azad etmə, maaş kəsilməsi və s ilə təhdid edirlər. Müəllimlərə söz azadlığı vermək lazımdır. Səhvlərinizi təhdidlərlə gizlətmək yerinə problemlərin həlli üçün işıqlandırmaq, ictimailəşdirmək lazımdır.

Qeyd edirəm ki, prezidentimiz Cənab İlham Əliyev özü dəfələrlə bildirib ki, gördüyünüz haqsızlıqları mütləq paylaşın, ictimailəşdirin, məmurların özbaşınalıqları, korrupsiya əməlləri, vəzifələrindən sui-istifadə etmələri açıq-aşkar bilinsin və lazımi tədbirlər görülsün.

Burdan səslənirik. Şəxsən tehsilmedia.info saytını izləyən minlərlə oxucumuza çəkinmədən fikirlərinizi bildirin. Biz hər zaman Azərbaycan xalqının, təhsil iştirakçılarının arxasındayıq. Sizə dəstək olmaq üçün varıq!.