Bioloq alim Ulu Öndərin 100 illiyinə həsr olunmuş beynəlxalq konfransda iştirak edib - FOTO
Gəncə Dövlət Universitetində Ümummilli Lider Heydər Əliyevin anadan olmasının 100 illiyinə həsr olunmuş "Müasir təbiət ve iqtisad elmlərinin aktual problemləri” mözsunda beynəlxalq elmi konfrans keçirilib.
AMEA-dan "tehsilmedia.info"a bildirilib ki, konfransda Dendrologiya İnstitutunun baş direktoru, biologiya üzrə fəlsəfə doktoru Minarə Həsənova "Hirkan Milli Parkının ağac və kol bitkilərinin taksonomik tərkibinə iqlim dəyişkənliyinin təsirinin təhlili” mövzusunda məruzə ilə çıxış edib.
Hirkan Milli Parkının dendroflorasında keçirilən monitorinqin müasir vəziyyəti təhlil edilmiş, təbii və mədəni bitki növlərinin, iqlim dəyişkənliyinin biomüxtəlifliyə təsiri, ağac və kol bitkilərinin taksonomik tərkibi, dominant növlər, bitkilərin yayılma arealları kompleks şəkildə tədqiq edilmiş, ərazisində qismən seyrəkləşmə, areallarda əvvəlki illərə nisbətən dəyişmə qeydə alındığı vurğulanıb.
Tədqiqat ərazisində ağac və kol bitkilərinin taksonomik tərkibinə iqlim dəyişkənliyinin təsiri təhlil edilib, tədqiqat ərazisində 2 tip bitkilik meşə və çəmən, 11 formasiya və 39 assosiasiya, 7 kolluq formasiyalarının yaratdığı 7 assosiasiyalar araşdırılıb. Hirkan florasında 99 növ ağac-kol bitkiləri qeyd edilərək, 36 növü relikt və endemikdir. Hirkan Milli Parkı ərazisindən tədarük edilmiş toxum nümunələri Abşeron iqlim şəraitində əkilib, alınmış cücərtilər dəyişkən iqlim şəraitində dözümlülük göstərdiyi tədqiq edilib.
