Dağlıq Şirvan Regional Təhsil İdarəsi Ulu Öndər Heydər Əliyevin anadan olmasının 102-ci ildönümünə həsr olunmuş tədbir keçirdi

Dağlıq Şirvan Regional Təhsil İdarəsinin və Yeni Azərbaycan Partiyası Şamaxı rayon təşkilatının birgə təşkilatçılığı ilə “Konstitusiya və Suverenlik İli” çərçivəsində Ulu Öndər Heydər Əliyevin anadan olmasının 102-ci ildönümünə həsr olunmuş “Üfüqlərdə doğan günəş” adlı tədbir keçirilib.

Tədbirdə Şamaxı Rayon İcra Hakimiyyətinin başçısının müavini Mehriban Eyubova, Dağlıq Şirvan Regional Təhsil İdarəsinin müdiri Ramin Abasov, Yeni Azərbaycan Partiyası Şamaxı rayon təşkilatının sədri Tural Qasımlı, şəhid atası Rza Nəbiyev, təhsil müəssisələrinin rəhbərləri, müəllimlər və digər qonaqlar iştirak ediblər.

Çıxış edənlər Ulu Öndər Heydər Əliyevin xalq və dövlət qarşısındakı misilsiz xidmətlərindən, konstitusiyamızın və suverenliyimizin möhkəmləndirilməsindəki rolundan bəhs edərək, onun ideyalarının bu gün də gənclər üçün yolgöstərici olduğunu vurğulayıblar.

Tədbir çərçivəsində bir qrup təhsil işçisi Yeni Azərbaycan Partiyası Şamaxı rayon təşkilatı tərəfindən Fəxri Fərmanla təltif edilmiş, partiyaya yeni qəbul olunan gənc müəllimlərə üzvlük vəsiqələri təqdim olunmuşdur.

Sonda tədbir Şamaxı Rayon Uşaq-Gənclər İnkişaf Mərkəzinin dərnək üzvlərinin bədii çıxışları ilə davam etmişdir.