Region məktəbliləri ADAU-da olublar - FOTO

Birinci, ikinci və dördüncü ixtisas qrupları üzrə hazırlıq keçən abituriyentlər Azərbaycan Dövlət Aqrar Universitetində (ADAU) olublar.

Əsasən Gəncə, Samux, Şəmkir və Mingəçevirdən olan abituriyentlər əvvəlcə ADAU-nun Baytarlıq tədris korpusunda yerləşən muzey və laboratoriyalara baş çəkib, Tələbə evlərini gəziblər.

Abituriyentlərə universitetin maddi-texniki bazası, tədris-təcrübə imkanları və beynəlxalq əlaqələri barədə də ətraflı məlumat verilib.

Sonra ali təhsil müəssisəsi haqqında videoçarx nümayiş olunub, abituriyentlərin sualları cavablandırılıb.