IELS 2025-in (Beynəlxalq Erkən Öyrənmə və Uşaq Nailiyyəti Tədqiqatı) sınaq mərhələsinin təşkilinə başlanılıb.

Elm və Təhsil Nazirliyindən "tehsil.media"a bildirilib ki, beynəlxalq tədqiqatın sınaq mərhələsinin 2024-cü ilin fevral–mart aylarında keçirilməsi nəzərdə tutulub. Sınaq mərhələsində Bakı və Sumqayıt şəhərləri üzrə 40 təhsil müəssisəsindən 600-ə yaxın təhsilalanın iştirakı planlaşdırılıb. Ölkə üzrə 5 yaşlı uşaqların bilik və bacarıqlarını ölçməyə, həmçinin digər ölkələrdəki eyniyaşlı uşaqların səriştələri ilə müqayisə aparmağa imkan yaradan IELS İqtisadi İnkişaf və Əməkdaşlıq Təşkilatı tərəfindən keçirilir.

Qeyd edək ki, Azərbaycan IELS tədqiqatında ilk dəfə iştirak edir.