Nazir müavini: Naxçıvan məktəblərində qızılca ilə bağlı narahatedici məqam yoxdur
"Məktəblərimizdə hal-hazırda qızılca ilə bağlı davamiyyətə ciddi təsir edən, çox sürətli yayılması ilə bağlı narahatedici məqam yoxdur. Bizim tərəfimizdən də bu proses ciddi nəzarət altındadır".
tehsilmedia.info - ın yerli bürosu xəbər verir ki, bunu jurnalistlərə müsahibəsində Naxçıvan Muxtar Respublikası təhsil naziri vəzifələrinin icraçısı, nazir müavini Elxan Nəcəfov deyib.
Nazir müavini bildirib ki, Naxçıvan Muxtar Respublikası Səhiyyə nazirliyi ilə Naxçıvan Muxtar Respublikası Təhsil Nazirliyi infeksion xəstəliklər və qızılcaya yoluxmaya halları ilə bağlı mütəmadi məlumat mübadiləsindədir.
“Bizim təhsil müəssisələrimiz gündəlik olaraq şagirdlərdə müşahidə edilən xüsusilə temperatur və ya hər hansısa bir səpkilər, xəstəlik simptomlarına uyğun hər hansı bir göstəricilər olursa, bu haqda həmin şagirdlərlə bağlı məlumatları Səhiyyə Nazirliyinə ötürürük. İndiyə qədər ki prosesdə aydın olur ki, çox az faiz çərçivəsində müşahidə etdiyimiz bu simptomlar və əlamətlər qızılca xəstəliyinin göstəricisi kimidir”, o deyib.
