Sərbəst qrafikli işlərə tələbat niyə artır?

Freelancer dedikdə ştatdan kənar işçi və sərbəst işçi nəzərdə tutulur. Saatlarla işə gəlmək, ofisdə olmaq məcburiyyəti, hansısa şirkətdə rəsmi qeydiyyatda olmaq yoxdur. Sifarişlər alınır və müəyyən müddətdən sonra tərcümə olunur.

İş rejimində deadlinelar, yəni proyektin təhvil veriləcəyi tarix çox önəmlidir. Bu tarixi düzgün seçmədikdə müştərini itirmək mümkündür. Ödəniş işin çətinliyinə və zamanına görə dəyişir. Freelancerlik uzunmüddətli iş deyil. Bu baxımdan müqaviləli işlər daha güvəniləndir.

Hüquqi nöqteyi-nəzərdən baxdıqda işlər dəyişir. Hüquqşünas Şamil Paşayev bildirir ki, xidmət müqabilində iş görənlər özlərini freelancer hesab edir. Azərbaycanda freelancer iş yeri dedikdə sərbəst iş qrafiki və insanların evdən işləməsi nəzərdə tutulur. Avropa ölkələrində freelancerlik qanunla tənzimlənir. Azərbaycanda isə qanuni baxımdan freelancer anlayışı yoxdur. Hüquqşünasın sözlərinə görə, freelancer işlərdə xidmət müqaviləsi bağlanılmalıdır. Əks təqdirdə isə, müəyyən qanunsuzluqlar yaranar.
Qeyd edək ki, freelancer işlərə kompüter proqramlaşdırılması, web-dizayn, qrafik-dizayn, tərcümə, hüquq, memarlıq kimi peşələr aiddir.

TƏHSİL MEDİA