Rəqəmsal bacarıqlar” layihəsi üzrə tədris aparan müəllimlərlə görüş keçirilib
Sumqayıt şəhər 36 saylı tam orta ümumtəhsil məktəbində “Rəqəmsal bacarıqlar” layihəsinin tədrisini həyata keçirən müəllimlərlə görüş təşkil olunub.
Görüşdə Abşeron–Xızı Regional Təhsil İdarəsi üzrə həmin fənni tədris edən müəllimlər iştirak edib.
Layihə region üzrə ümumilikdə 44 təhsil müəssisəsində tətbiq olunur.
Müəllimlərlə görüşdə Bakı Avropa Liseyinin informatika müəllimi, “Rəqəmsal bacarıqlar” layihəsinin təlimçisi İlhamə Səfərova və Bakı Avropa liseyinin müəllimi, fənn kurikulmları üzrə təkmilləşdirilmə proqramının üzvü, DİM-in informatika fənni üzrə test toplularının müəllifi, layihə üzrə təlimçi Şəfəq Ələkbərova iştirak ediblər.
Görüş zamanı layihənin icra vəziyyəti, tədris prosesində tətbiq olunan yanaşmalar və qarşıda duran vəzifələr müzakirə olunub, müəllimlərin rəy və təklifləri dinlənilib.
