Abşeron-Xızı RTİ təhsil işçiləri ilə görüş keçirib-FOTO

Abşeron-Xızı Regional Təhsil İdarəsində şəhid ailə üzvləri olan təhsil işçiləri ilə görüş keçirilib.

tehsilmedia.info xəbər verir ki, vəhdət və birlik rəmzi olan müqəddəs Ramazan bayramı münasibətilə Abşeron-Xızı Regional Təhsil İdarəsinin müdiri İlhamə Abdullayeva Abşeron-Xızı Regional Təhsil İdarəsinə tabeli təhsil müəssisələrində çalışan şəhid ailə üzvləri olan təhsil işçiləri, eləcə də şəhid övladları ilə görüşüb.

İ.Abdullayeva qeyd edib ki, Azərbaycan dövlətinin milli-mənəvi dəyərlərin, o cümlədən İslam ənənələrinin qorunması ilə bağlı ardıcıl siyasəti var. Həmçinin vurğulanıb ki, Prezident İlham Əliyevin rəhbərliyi altında həyata keçirilən siyasi kurs islam daxilində birliyi möhkəmləndirməklə yanaşı, mədəniyyətlərarası dialoqa, beləliklə qlobal sülhə də mühüm töhfə verir.
Eyni zamanda qeyd edilib ki, ölkəmizdə şəhid ailələrinə diqqət və qayğı da dövlətin prioritetləri sırasındadır.

Sonda şəhid ailələrinə bayram sovqatları təqdim olunub.