Azərbaycan Tibb Universitetində 37 min manatlıq "alış-veriş" - duş-aftafa şlanqları, arko kranlar, sifonlar və.s
Azərbaycan Tibb Universitetinin Tədris Cərrahiyyə Klinikası təsərrüfat mallarının satın alınması ilə bağlı elan etdiyi tenderə yekun vurub. Klinikaya lazım olan müxtəlif növ santexnika və təsərrüfat ləvazimatlarının tədarükü üçün "ESCOBUTA" Məhdud Məsuliyyətli Cəmiyyəti qalib seçilib.
32gun.az xəbər verir ki, tərəflər arasında ümumi dəyəri 37.669,26 AZN təşkil edən müqavilənin bağlanması nəzərdə tutulub.
Satınalma çərçivəsində klinika üçün 80 ədəd tulpan smesiteli, 40 ədəd mətbəx smesiteli, müxtəlif ölçülü duş-aftafa şlanqları, arko kranlar, sifonlar və digər texniki hissələrin alınması planlaşdırılır. Texniki şərtlərə əsasən, alınacaq avadanlıqların yüksək təzyiqə davamlılığı və daxili hissələrinin latun materialdan olması xüsusi tələb kimi qoyulub. Siyahıya həmçinin yüksək temperatura davamlı "tangit" sızdırmazlıq ipləri və müxtəlif ölçülü metal şlanqlar da daxildir.
