Sertifikasiyadan keçməyən lor həkim necə estetik cərrah kimi fəaliyyət göstərir? Səhiyyə nazirliyinin bundan xəbəri varmı?
Azərbaycanda tez-tez estetik cərrahiyyə və kosmetoloji fəaliyyətlə bağlı şikayətlərə rast gəlinir.
Hələ bu ilin mayında Baş Prokurorluğa və Səhiyyə Nazirliyinə estetik cərrahiyyə və kosmetoloji fəaliyyətlə bağlı daxil olmuş çoxsaylı müraciətlər əsasında tibb müəssisələrinin fəaliyyəti ilə bağlı monitorinq aparılmışdır.
Araşdırmalar zamanı estetik cərrahiyyə əməliyyatları həyata keçirən və kosmetoloji xidmətlər göstərən 9 klinika, eləcə də bir neçə kosmetoloji mərkəzdə pozuntular aşkarlanmışdı.
Qeyd edək ki, İnzibati Xətalar Məcəlləsinin 192.1, 210.1 və215.4-cü maddələri ilə tibb müəssisələrinin vəzifəli şəxsləri barəsində inzibati xəta haqqında 14 icraat başlanılıb və "Prokurorluq haqqında" Azərbaycan Respublikası Qanununun 22-ci maddəsinə uyğun olaraq bu kimi qanun pozuntularından çəkindirmək məqsədi ilə bir sıra vətəndaşlara və vəzifəli şəxslərə xəbərdarlıq edilib.Habelə, həmin Qanunun 23-cü maddəsinə əsasən qanun pozuntularının, onları doğuran səbəb və şəraitin aradan qaldırılması üçün dövlət qurumlarına 7 təqdimat verilib
Təəsüf ki, bugün ölkəmizdə ixtisası başqa, amma fəaliyyət sahəsi fərqli olan həkimlərin sayı günbəgün artmaqdadır.
Belə ki, Tibb Universitetini bitirdikdən sonra illərlə başqa sahələrdə çalışanların bəziləri sonradan hazırda tələbat daha çox olan estetik əməliyyat prosedurlarını icra etməyə başlayırlar. Bu səbəbdən də bugün bir çoxları özlərini estetik cərrah, stomatoloq, implantoloq, burun əməliyyatı üzrə uzman kimi tanıdırlar və bu yolla pasiyentləri özlərinə cəlb edirlər.
Belə həkimlərdən biri də həm plastik, həm müxtəlif estetik cərrahiyyə əməliyyatları, həm də LOR sahə üzrə cərrahiyyə əməliyyatlarını icazəsi olmadan həyata keçirən və bugün Fuad Abdullayevdir.
Özünü plastik, estetik, LOR cərrah kimi tanıdan Fuad Abdullayevin ixtisası əslində, ümumi cərrahdır və 20 il ümumi cərrah kimi qarın boşluğu orqanları üzrə əməliyyatlar edib, Mərkəzi Dənizçilər xəstəxanasında çalışıb.
Son 5 ildir estetik cərrahiyyəyə tələbat olduğundan istiqaməti dəyişib. Hazırda eyni vaxtda abdominoplastika, mammoplastikadan tutmuş burun əməliyyatlarına kimi hər cür əməliyyat edir.
Fuad Abdullayev məlum yoxlamalaradək Lanset Cərrahlıq klinikasına estetik cərrahiyyə əməliyyatları həyata keçirmişdir.Yoxlamalardan sonra, aldığımız məlumata görə "iz itirmək" məqsədi ilə Fuad Abdullayev öz qanunsuz fəaliyyətini hazırda Med Aura klinikasında davam etdirir. Bəs görəsən Med Aura Klinikası sertifikatı olmayan Fuad Abdullayevlə necə əmək müqaviləsi bağlayıb? Med Aura Klinikası Fuad Abdullayevin qanunsuz fəaliyyət göstərməsinə görəsən necə "qanuni don" geyindirir?
Səhiyyə Nazirliyi Analitik Ekspertiza Mərkəzinin Aura Med Klinikasında Fuad Abdullayevin qeyri-qanunu cərrahiyə əməliyyatları aparmasından xəbəri varmı?
Ümumiyyətlə Aura Med Klinikasının Plastik cərrahiyyə əməliyyatları aparması üçün lisenziyası varmı?
Ümid edirik ki, Səhiyyə nazirliyi məsələyə münasibət bildirəcək və biz də Kainatpress.tv internet televiziyası olaraq izləyicilərimizi daha ətraflı məlumatlandıracağıq.
