Prezidentimizin Təhsil sahəsində uğurlu addımı

Prezident İlham Əliyev: “Hesab edirəm ki, hər bir dövlət qurumunda, ilk növbədə, nazirliklərdə rəqəmsallaşma, süni intellekt, kibertəhlükəsizlik üzrə bir müavin ştatı ayrılsın.

Yeni ştat vahidi yaradılsın, ya da bu sahə mövcud müavinlərin birinə tapşırılsın ki, Rəqəmsal İnkişaf və Nəqliyyat Nazirliyinin əməkdaşları, rəhbərliyi bilsinlər ki, onların təmasda olacaqları şəxslər kimdir və hər bir dövlət qurumunda bu sahə prioritet sayılmalıdır”.

Buna təhsil sistemində ehtiyac daha çoxdur. Təhsilin rəqəmsallaşması hansı vəziyyətdədir? Niyə təhsilimiz rəqəmsal yetkin deyil? Bu məsələlərlə əlaqəli biz hələ 20 il əvvəl təkliflər vermişdik, hərçənd diqqət verilmədi.

Rəqəmsallaşma üzrə universitetlərdə prorektor, məktəblərdə direktor müavini ştatı çoxdan olmalı idi. Rusiyada və əksər postsovet ölkələrində artıq 20 ildir bu ştatlar var. 1-2 universitet xaric, bizim universitetlərin heç birində belə ştat yoxdur.
Yenə də gecikmişik, nə az, nə çox, düz 20 il.
Ən əsası bu sahə-"təhsilin rəqəmsallaşdırılması" üzrə bizdə mütəxəssislər yoxdur, hələ də bu istiqamətdə kadr hazırlanmır.

İT mütəxəssisləri təhsili bilmədikləri üçün bu işdə səmərəli olmurlar.
Yenə də ETN tarixi ənənə üzrə qeyri mütəxəssisləri ( dost -tanışları, əsasən də maliyyəçi və iqtisadçıları) bu postlara təyin edəcək, strategiya üzrə ptorektorları təyin etdiyi kimi.
ETN-də son 20 ildə bu sahəyə baxan idarənin rəisləri də iqtisadçılar olublar. Zatən bu ölkədə təhsilin rəqəmsallaşdırılması, distant təhsilin vəziyyətindən də peşəkarlığın səviyyəsi aydın görünür.