Tofiq İsmayılov "İlin fəal gənci" diplomuna layiq görüldü

Tofiq İsmayılov, qalib Azərbaycanın qalib gənc istedadlısı, xoş gördük.
-Salam, təşəkkür edirəm.
- "İlin fəal gənci" diplomuna layiq görüldüyün üçün təbrik edirik. Bilmək olar necə oldu bu sahəyə yönəldin ?
-Məni bu diploma layiq görən hər kəsə təşəkkür edirəm, minnətdaram. Uşaq yaşlarımda evdə bütün günü özüm üçün mahnılar ifa edirdim, bunu görən ailəm məni müsiqiyə yönləndirdi.
Daha çox uğur, daha çox məsuliyyət deməkdir!

-"İlin fəal gənci" adına layiq görülmək necə bir hissdir? Bu mükafat sənin üçün nə ifadə edir?
-Bu mükafat mənim ilk uğurumdur çox sevinirəm. Həm də məsuliyyət deməkdir. Üzərimdə daha çox çalışmalıyam və fəallığımı artırmalıyam. Bu ada layiq görülmək mənim üçün çox gözəl hissdir, bunu sözlərlə ifadə ede bilmərəm.
-Tofiq, xanəndəlik sənətinə marağın nə zaman və necə başladı?
-Musiqi müəllimlərimi tanıdıqdan sonra xanəndəlik sənətinə marağım daha cox artdı, daha çox sevdim.
-İlk dəfə səhnəyə çıxanda hansı hissləri keçirdin?
-İlk dəfə səhnəyə çıxanda çox həyacanlı idim, amma cox da sevinirdim. Bir neçə tədbirdən sonra ilk efir çıxışım da oldu və bu çox maraqlı idi.

-Hansı müsabiqələrdə iştirak etmisən?
-İstedadları tanıyaq və tanıdaq İctimai birliyinin təşkilatçılığı ilə keçirilən tədbirlərdə və müsabiqələrdə iştirak edərək qalib olmuşam. Sənə uğura gedən yolda ən böyük dəstək olan kimdi?
-Ən böyük dəstək olan anam və nənəmdir.
-Boş vaxtını necə keçirirsən?
-Boş vaxtımı futbol oynayıram və musiqi dinləyirəm.
-Sənət yolunda kimlərdən ilham alırsan? Ən çox örnək götürdüyün xanəndələr kimlərdir?
-Xanəndə- metodist Vəsilə xanım Quliyeva və Tarzən İntiqam Abbasovdan öyrənirəm və onlar mənim uğur yolllarımda çox dəstək olur. İstedadları tanıyaq və Tanıdaq İctimai birliyinin ofisində mütəmadi məşqlərimiz olur və onlar bizim üçün çox əziyyət çəkirlər.

-"Fəal gənc" olmaq səncə nə deməkdir? Bu anlayışı öz həyatında necə izah edərsən?
-Düşünürəm ki, biz imkanlarımız daxilində bütün sahələrdə fəal olmalıyıq. Dərslərimizi yaxşı oxumalıyıq, ailədə valideynlərimizə dəstək olmalıyıq, məktəbin ictimai işlərində aktiv iştirak etyməliyik, hərəmiz öz bacarığımız daxilində cəmiyyətə və ailəmizə faydalı gənc olmalıyıq.

-Əziz Tofiq, səmimi və maraqlı cavabların üçün sənə təşəkkür edirik. Gənc yaşına baxmayaraq göstərdiyin istedad və əzmkarlıq həqiqətən təqdirəlayiqdir. Sənə gələcək fəaliyyətində uğurlar arzulayır, səhnələrdə daha böyük nailiyyətlər qazanmağını diləyirik. İnanırıq ki, Azərbaycan musiqisini layiqincə təmsil edəcək və daha da irəli aparacaqsan. Uğurlar.
İcxeberler.com