Atalar yaxşı deyib: Bir deyənin olunca, min yeyənin olsun"
Elə bu sözün üstündən sizə son zamanlar həm bizim saytda, həm də başqa saytlarda gördüyünüz bir xəbər haqda açıqlama vermək istəyirik. Belə ki,
Goranboy rayon M.Zeynalov adına Dəliməmmədli şəhər tam orta məktəb haqqında son zamanlarda şikayətlər və bir sıra informasiyalar saytımıza daxil olmuşdur. Biz də qarşı tərəf kimi direktor
Ceyhun Cahangirov ilə əlaqə yaratdıq. Çox səmimi bir şəkildə bütün suallarımızı cavablandırdı və başqa şəxslərlə də məlumatlarımızı dəqiqləşdirdik. Nəhayət hazırladığımız yazını sizlərə təqdim edirik.

Ceyhun Cahangirov direktorların imtahanı vasitəsilə həm test, həm də müsahibə mərhələsindən 2015-ci ilin avqust ayında uğurla keçmiş və Quşçular Kənd tam orta məktəbində direktor kimi fəaliyyət göstərmişdir.

Daha sonra fəaliyyətinə M.Zeynalov adına Dəliməmmədli şəhər tam orta məktəbində fəaliyyətini davam etdirmişdir.

Ceyhun müəllim haqqında çıxan xəbərlərə qarşı mövqeyini bildirdi.

Qeyd etmişdir ki, yeni məktəb olmasına baxmayaraq, zəng (zil) işləmirdi, ayaqyolunun qapları sınıq, su sistemi problemli, həyət baxımsızlıqdan bərbat halda idi. Bütün bu problemləri məsuliyyətlə aradan qaldırmışdır.

Məsələ burasındadır ki, məktəbin musiqi müəllimi keçmiş regional müdirin vaxtında 3 aylıq müddətli direktor müavini təyin edilsə də, yeni regional müdir təyin edilməsi ilə vəziyyət dəyişmiş (araşdırmada müsahibədən kəsilməsi təsdiqlənmiş) və müqavilə bitimində daimiləşmə sözü həyata keçməmişdir. Belə ki, metodbirləşmələrin ləğvi ilə əlaqədar Nazirlikdən birbaşa əmr ilə yeni bir müavin təyin edilmişdir. Amma Nazirlikdən gələn birbaşa əmri qəbul etmir, bununla da, Ceyhun müəllimlə soyuq müharibə elan etmişdir. Elə bütün problemlər də burdan başlanmışdır.
Haqqında çıxan iddialara əsasən Ceyhun müəllim öz mövqeyini belə bildirmişdir :

1. Çox kobud söyüşlər söymə, şagird döymə, müəllimləri alçaltmaq kimi bütün xəbərlər böhtandır.

2. Adı gedib özü gəlməyən işçilərin ləğvi, məktəbdə abadlıq işləri görməsi, nizam-intizam yaratması, ədaləti dərs bölgüsü etməsi, məktəbin müvəfəqiyyətlərinin artması, yeyintinin ortadan qalxması həm yoxlamalar, həm araşdırmalar, həm də əhalinin rəyi əsasında təsdiqlənmişdir.

3. Direktor müavinin pulyığma videosunda əslində direktorun əmisioğlunun 3 mərasiminə getməsi üçün bütün müəllimlərin avtobus tutaraq getməsi və onun pulunu yığması öz təsdiqini tapmışdır. Qeyd edək ki, ölüm halı həqiqətən vardır. Fakt təsdiqini tapmışdır.

4. Poster pulu yığımı əslində direktor iclasda açıq-aydın Nazirlik tərəfindən yeni simif qaydaları göndərilmiş və mütləq hər sinfə vurulmalıdır, "istəyirsiniz özünüz yazın, istəyirsiniz A4 ə yazın, istəyirsiniz səliqəli xətlə ramkada yazın." - deyə bildirmiş, bəzi müəllimlər isə elə pul yığıb səliqəli poster alarıq demişdir. Amma vaxt keçməsinə rəğmən müəllimlər məsələni həll etmədiyindən səsyazıda da qeyd olunduğu kimi, müəllim axı demişdiniz həll edəcəyik, bəvaxt keçir, həll edin-demişdir. Yəni poster pulu yığmaq deyə bir anlayış yoxdur.

5. Direktorluğa qəbulu qanuni sənədlə və imtahanla (test+müsahibə) olmuş və əmri tam qanunauyğun şəkildə verilmişdir. Direktorluq üçün heç bir şirinlik verilməyib.

Məktəbin şəkillərini sizə təqdim edirik: