"İlk dəfə sənəd qəbulunda süni intellekt alətlərindən istifadə edirik" - Qədir Xəlilov
Elm və Təhsil Nazirliyi nəzdində Dövlət Proqramı İdarəetmə Qrupunun rəhbəri Qədir Xəlilov sənəd qəbulu prosesi və yeni tətbiqlər barədə açıqlama verib.
Redaktor.az xəbər verir ki, o bildirib ki, sənəd qəbulu 15 aprel tarixindən başlayıb və 5 iyun tarixinə qədər davam edəcək.
Qədir Xəlilovun sözlərinə görə, bu il ilk dəfə olaraq prosesdə süni intellekt alətlərindən istifadə edilir və əsas məqsəd maksimum şəffaflığın təmin olunmasıdır.
O qeyd edib ki, proqramın əsas istiqamətlərindən biri də xaricdə təhsil alan məzunların ölkəyə qayıtdıqdan sonra məşğulluq və karyera imkanlarının düzgün şəkildə tənzimlənməsidir.
“Tələbələri maraqlandıran əsas suallardan biri məhz ölkəyə qayıtdıqdan sonra 5 il ərzində fəaliyyət istiqamətləri ilə bağlıdır. Bu istiqamətdə geniş müzakirələr aparılıb”, – deyə o bildirib.
Qədir Xəlilov vurğulayıb ki, əsas məqsəd yüksək ixtisaslı kadrların Azərbaycanın inkişafına töhfə verməsidir. Xüsusilə işğaldan azad olunmuş ərazilərdə və qlobal mühitdə ölkənin mövqeyinin gücləndirilməsi prioritet istiqamətlərdəndir.
O əlavə edib ki, proqramın məzunlarının gələcəkdə ölkəyə ciddi töhfələr verəcəyi gözlənilir.
