"Rəqəmsal Məktəb" layihəsi Azərbaycan buna hazır olmadığı üçün, məktəblərimiz təmin edilmədiyi üçün heç bir uğur qazanmayacaq. Ancaq təhsilə ayrılan pulun yeyinti, pul silmə əməliyyatlarına xərcləndiyini sübut etmiş oluruq.

Gündəlik olar biz- tehsil.media saytı və eynilə digər saytlar soyuq-buz kimi, istilik sistemi olmayan məktəbləri və müəllimlərlə - şagirdlərin necə əziyyət çəkdiyini paylaşırıq.

Eyni şəkildə təhlükəli şəraitdə təhsil olduğu, tavan qopmaları, şüşə olmayan, ilan qurbağa, toyuq-cücə olan məktəbləri paylaşırıq.

İnternet olmadığı halda verilən tapşırıqlar, qəbul edilən layihələr, təhsilə tətbiq edilən yeni modellər, yeni proqramlar ölkənin sadəcə 5-10 %- də özünü doğruldur. İndi isə "Rəqəmsal təhsil", "Elektron jurnal", "Süni intellekt" və s. üzrə elektronlaşma gedir. Dəfərlərlə vurğulamışıq ki, Azərbaycan buna hazır deyil, amma siz zorla bunu tətbiq etməyə çalışırsınız. Proqram planlarla tədriclə həyata keçməlidir. Birini şəraiti tam təmin etməlisiniz, sonra formalaşdırma və tətbiq. Hətta Bakıda belə elə məktəblər var ki , deyirlər bir komputerdə tək-tək oturub elektron jurnal yazırıq, internet gedir-gəlir girinc qalmışıq. Hətta Bakıda deyir elektron formada imtahan keçiririk, internet gedir gəlir biz imtahanı başa vura bilmirik və s.
Təsəvvür edin mərkəzdə belə edirlərsə, heç bir şəraiti olmayan, interneti olmayan və ümumiyyətlə bu müddətdə olan yenilikdən heç bir xəbərləri olmayan və tətbiq həddində olmayan yerlərdə bunu necə edə bilərsiniz?

ETN, ARTİ, MÜTDA özü onlayn təlim, tədbiri ucqar kəndlərdə, müəyyən bölgələrdə edə bilmir. Çünki internet yoxdu, istilik yoxdu, təhlükəsizlik təmin edilməyib, yollar bərbat haldadır, heç kim oralara getmək də istəmir.

Bəs yaxşı "Rəqəmsal məktəb" harada tətbiq ediləcək? Hansı üstünlüyü olacaq? Kimi aldadırıq? Yenə pulu lazımsız olan bu tələlərə niyə ayırırıq? Kimə nəyi üsbut edirik?

Axı hələ illər əvvəlki layihələrinizi, proqramlarını bütün Azərbaycanda tərbiq etməmisiniz... Pulu ancaq belə tələlərə xərclədiyiniz, yeyinti və pul silmə ilə məşğul olduğunuz müddətcə heç bir nəticə əldə edə bilməyəcəksiniz!