Qarabağ Universiteti üçün Loqo müsabiqəsi elan edilir

Qarabağ Universitetinin loqosunun hazırlanması üzrə Loqo müsabiqəsi elan edilir.

Bildirilib ki, Qarabağ Universitetinin loqosunun hazırlanması üzrə Loqo müsabiqəsi elan edilir.
Müsabiqənin şərtləri:

• Müsabiqədə bu sahədə bacarıqlı olan hər kəs iştirak edə bilər;
• Hər iştirakçı maksimum 2 variantda eskiz təqdim edə bilər;
• Təqdim olunan eskizlərin qısa izahedici mətni olmalıdır;
• Təqdim olunan eskizlər yeni olmalıdır;
• Loqo orijinal, müasir, rəngli və konseptual görünüşlü olmalıdır;
• Loqo digər loqolara və ya onların komponentlərinə uyğun gəlməməlidir;
• Təqdim olunan loqotiplər *jpeg, *png, *eps, *ai və ya *cdr formatında olmalıdır;
• Qarabağ Universiteti qalib gəlmiş loqonu istənilən tərzdə blanklarda, vizit kartlarında və digər məhsullarda istifadə etmək üçün müstəsna hüquqa malikdir.

Qeyd edək ki, eskizlərin qəbulu üçün son tarix 17 iyul 2024-cü ildir.

Hazırlanan loqo eskizlərini göndərmək üçün elektron poçt ünvanı: karabakh@edu.gov.az