Yasamal 345 saylı uşaq bağçasında HADİSƏ

Yasamal 345 saylı uşaq bağçasında baş verənlər hələ həllini tapmayıb.

100-dən çox valideyn övladını əmanət etdiyi, övladının tərbiyəsini və təhsilini əmanət etdiyi bağçadan anidən çıxarılma qərarı ilə üzbəüz qaldı. Sənədləşmə olmadığından, bağçanın heç bir sənədində övladının adının olmadığını öyrəndilər.

Buradan da 2 sual bizi düşündürür:
1. Həqiqətən qeyri yollarla bağçalara düzəlmə halları son qanunla ləğv olunmalı deyildimi?
2. Əgər bağçalara hər şey uşaq sayına uyğun təşkil edilirsə, onda bu uşaqlar illərdir orda necə təhsil alırlar?

Əvvəla, qeyd etməliyik ki, əgər uşaqlar bağçada təhsil alır və qərar dəyişikliyi olubsa, müdiriyyət uşaqların sənədləşmə işlərini qanunauyğun şəkildə həll etməli və bu haqda valideynləri məlumatlandırmalı idi.

Digər məsələ isə daha qarışıqdır. 200 şagirdin çarpayıları, stulları, təmizlik ləvazimatları, qidaları, ehtiyacları bəs illərdir necə qarşılanır?

Jurnalda gah ad yazılır, gah yox? Bəs xəstəlik kağızları, bayramları və s. onlar necə həyata keçirilib?

Bu kiçik bir qanunsuzluq deyil. Müəssisə müdirini, müdir köməkçisi, tərbiyəçiləri, sanitar-dayələri, xadimə-dayələri, gecə dayələrini, mətbəx işçilərini və paltaryuyanları, mühafizə xidməti işçisi və b. hər biri bu qanunsuzluğa cavabdehlik daşıyır.

Maraqlısı isə 345 saylı Bağça başda olmaqla bütün bağçalarda yoxlama işlərinin aparılması və ciddi şəkildə bu qnaunsuzluğun aradan qaldırılması lazımdır.

Qeyd edək ki, valideynlər bu qanunsuzluq qarşısında susmaq fikrində deyil. Nazirliyin bu məsələni həll etməsi lazımdır.