Müəllimlərin nüfuzunu bərpa etmək üçün nə etmək lazımdır? - Təklif

"Hamı təhsildən, müəllimlərdən şikayətlənir, hətta müəlimlərin qəsdən dərs keçmədiyini, uşaqlardan yanına hazırlığa gəlmələrini istədiklərini deyirlər. Müəllimlər də öz növbəsində valideynlərdən şikayət edirlər. Bütün bu söz-söhbətə son qoymaq, təhsilin, müəllimlərin nüfuzunu bərpa etmək üçün dövlət bir sıra tədbirlər həyata keçirməlidir."

tehsilmedia.info xəbər verir ki, bu sözləri Bahar Ramazanova öz facebook hesabında paylaşıb. O, bir neçə təklif irəli sürərək fikirlərini bildirib:

"1. Müəllimlərin "stavka"sını nir həftəlik hesablayıb bir aylıq vermək düzgün deyil. Həftəlik hesablanırsa, elə həftəlik də verilməlidir. 2. Siniflərdə 20-dən artıq uşaq oxumasın. 3. 10-11-ci siniflərdə uşaqlar 4-5 nəfərlik qruplara ayrılaraq, seçdikləri fənlər üzrə hazırlaşsınlar. Həmin qruplara sertifikasiyadan 50+ bal toplamış təcrübəli müəllimlər dərs keçsinlər. 4. Məktəb qaydalarını pozan, dərsə mane olan şagirdlər və onların valideynləri barədə ciddi nizam-intizam tədbirləri həyata keçirilsin. (cərimələr və s.) Mümkün olmasa, həmin uşaqları məcburi şəkildə ailəsindən alıb (Almaniyada belə qayda var) çətin tərbiyə olunan yeniyetmələr üçün internat məktəblərində yerləşdirmək lazımdır. 5. Bütün bu tədbirləri həyata keçirəndən sonra kameralar vasitəsilə dərslərə nəzarət edilsin və qəsdən dərsini keçməyən müəllimlər işdən azad edilsin."

Fəridə Ağaxanlı