Məktəbin qəlyan çəkən şagirdləri – Onlara qarşı niyə tədbir görülmür?
Azərbaycanda azyaşlı və yeniyetmələrə tütün məmulatlarının satışının, xüsusilə kafe və restoranlarda qəlyan xidmətinin göstərilməsinin qarşısını hələ də almaq mümkün olmayıb. Onlar bizim gələcəyimizdir. Lakin gələcəyimizin gəncləri bir çox məktəb vaxtlarından pis vərdişlərə qurşanırlar.
Məktəblinin qəlyan çəkən yerdə olan görüntüləri sosial şəbəkələrdə gündəm olub.
Videoda gördüyünüz qəlyan çəkən oğlan Şamaxı rayon İqbal Rəsulov adına Muğanlı kənd tam orta məktəbinin direktor müavini Rəsmiyyə Mirzəyevanın həmin məktəbin 7-ci sinfində oxuyan oğlu Təvəkkül Mirzəzadədir. Dəfələrlə bu məktəbdə baş verən tərbiyəsizliklər, özbaşınaqlıqlar və qanun pozuntuları ilə bağlı lazımi qurumlara məlumat verilsə də, heç bir ölçü götürülməyib. Bu məktəbdə qəlyan çəkən aşağı sinif şagirdi təkcə bu oğlan deyil.
Qəlyan həvəsi yeniyetmələrdə zaman keçdikcə asılılığa səbəb olur. Bu da bəzən onların gələcəyinin məhvinə gətirib çıxarır.
Tərkibi nikotinlə dolu olan qəlyan yuxarı tənəffüs, ağciyər xəstəliklərinin artmasına səbəb olur. İnsanlar qəlyanı siqaret çəkməklə müqayisədə ziyansız hesab etsələr də, reallıq belə deyil. Mütəmadi qəlyan çəkən insanlarda xərçəng xəstəliyinin yaranması qaçılmazdır.
Mütəxəssislərin sözlərinə görə, qəlyan siqaretdən zərərsiz görünsə də, əslində 1 qəlyan 50 siqaretə bərabərdir. Qəlyan çəkənlər hesab edirlər ki, qəlyan dumanı sudan keçdiyi üçün zərərli maddələr suda qalır. Əslində isə nikotin su ilə isladılır, sıxılır, sonra qəlyana əlavə olunur. İnsan orqanizminə düşən kömür hissələri yanaraq dəm qazı ifraz edir. Qəlyan çəkən zaman yaranan baş gicəllənməsi və ürək bulantısı da bundan irəli gəlir.
Qəlyan çəkmək tənəffüs sistemini zədələdiyinə görə, ağ ciyərin funksional pozğunluğuna gətirib çıxarır. Eyni zamanda nikotin və nikotinə oxşar toksiki tərkibi qan dövranına daxil olaraq qaraciyərin toksiki zədələnməsinə səbəb olur. Bu, siqaretdən daha çox təhlükəlidir.
Hər halda sağlamlığını düşünən hər kəs belə vərdişlərdən uzaq durmalıdırlar.
TƏHSİL MEDİA
