Naxçıvanın sertifikasiya sərgüzəştləri...
Naxçıvanda keçirilən müəllimlərin sertifikasiya imtahanları növbəti dəfə böyük bir narazılıq və rüsvayçılıq dalğası ilə gündəmə gəlib. İmtahan prosesində şəffaflığın qorunduğunu iddia edən rəsmi qurumların bəyanatlarının əksinə olaraq, bölgədən gələn şikayətlər sistemli korrupsiya və özbaşınalıqdan xəbər verir.
Tehsilmedia.info bildirir ki, iddialar arasında ən dəhşətlisi – öz adını belə düzgün yaza bilməyən, savad və metodikadan uzaq bəzi şəxslərin imtahanda fantastik nəticələr göstərməsidir. Pərdəarxası məlumatlara görə, bu "uğurun" sirri imtahan zamanı bəzi namizədlərin xüsusi otaqlara keçirilməsi və onlara süni şəkildə 51+ bal təmin edilməsidir. Ortaya haqlı sual çıxır: Bu otaqlarda hansı "metodika" tətbiq olunub ki, savadsızlıq birdən-birə yüksək nəticəyə çevrilib?
İmtahan zamanı kütləvi texniki nasazlıqların yaşandığı bildirilir. Müəllimlərin monitorlarda yaranan problemlərlə bağlı müraciətlərinə nəzarətçilər tərəfindən formal yanaşılıb, problem "həll olundu" deyilsə də, faktiki olaraq namizədlərin cavabları sistemə düzgün işlənməyib. Nəticədə, illərin təcrübəli və hazırlıqlı müəllimlərinə süni şəkildə minimum ballar yazılıb.
Ən acınacaqlı məqam isə odur ki, obyektiv biliyi olan yox, maddi imkanlarını işə salan şəxslər bu prosesdən "alınıaçıq" çıxıblar. Müəllimin əməyini, elmini və ləyaqətini rüşvət tərəzisinə qoyan bu yanaşma, bütövlükdə təhsil islahatlarının üzərindən xətt çəkir.
Dürüst və savadlı müəllimi sistemdən kənarlaşdırıb, "xüsusi xidmətlərlə" 51+ bal yığanları siniflərə doldurmaqla hansı gələcəyi qururuq? Bu, sertifikasiyadır, yoxsa təhsilin tamamilə iflic edilməsi prosesi?
Naxçıvanda keçirilən müəllimlərin sertifikasiya imtahanları növbəti dəfə böyük bir narazılıq və rüsvayçılıq dalğası ilə gündəmə gəlib. İmtahan prosesində şəffaflığın qorunduğunu iddia edən rəsmi qurumların bəyanatlarının əksinə olaraq, bölgədən gələn şikayətlər sistemli korrupsiya və özbaşınalıqdan xəbər verir.
Tehsilmedia.info bildirir ki, iddialar arasında ən dəhşətlisi – öz adını belə düzgün yaza bilməyən, savad və metodikadan uzaq bəzi şəxslərin imtahanda fantastik nəticələr göstərməsidir. Pərdəarxası məlumatlara görə, bu "uğurun" sirri imtahan zamanı bəzi namizədlərin xüsusi otaqlara keçirilməsi və onlara süni şəkildə 51+ bal təmin edilməsidir. Ortaya haqlı sual çıxır: Bu otaqlarda hansı "metodika" tətbiq olunub ki, savadsızlıq birdən-birə yüksək nəticəyə çevrilib?
İmtahan zamanı kütləvi texniki nasazlıqların yaşandığı bildirilir. Müəllimlərin monitorlarda yaranan problemlərlə bağlı müraciətlərinə nəzarətçilər tərəfindən formal yanaşılıb, problem "həll olundu" deyilsə də, faktiki olaraq namizədlərin cavabları sistemə düzgün işlənməyib. Nəticədə, illərin təcrübəli və hazırlıqlı müəllimlərinə süni şəkildə minimum ballar yazılıb.
Ən acınacaqlı məqam isə odur ki, obyektiv biliyi olan yox, maddi imkanlarını işə salan şəxslər bu prosesdən "alınıaçıq" çıxıblar. Müəllimin əməyini, elmini və ləyaqətini rüşvət tərəzisinə qoyan bu yanaşma, bütövlükdə təhsil islahatlarının üzərindən xətt çəkir.
Dürüst və savadlı müəllimi sistemdən kənarlaşdırıb, "xüsusi xidmətlərlə" 51+ bal yığanları siniflərə doldurmaqla hansı gələcəyi qururuq? Bu, sertifikasiyadır, yoxsa təhsilin tamamilə iflic edilməsi prosesi?
