“TİK-TOK” - Gəncləri uçuruma aparan sosial şəbəkə
13 yaşlı qızın "Tik-tok"da tanış olduğu biriylə qoşulub qaçması acınacaqlı vəziyyəti yenidən gündəmə gətirdi. Azərbaycanda da çoxsaylı istifadəçiləri olan bu paltformaya bir çox inkişaf etmiş ölkələrdə tamamilə və yaxud qismən qadağa tətbiq olunub. Bəs biz nəyi gözləyirik?
Tiktok platformasını yaradan Çinlə yanaşı ABŞ və bəzi Avropa ölkələri ,Türkiyə həmin şəbəkədən istifadə üçün müəyyən qadağalar tətbiq edib. Pekində orta yaşlılar gecə 22:00-dan səhər saatlarına qədər Tiktokdan istifadə edə bilməzlər. Çünki Çin öz yaratdığı sosial şəbəkənin psixologiyaya və əmək fəaliyyətinə necə təsir etdiyindən xəbərdardır. Türkiyədə isə 12 yaşa qədər uşaqların bu sosial şəbəkəyə girişi qadağandır. 12-15 yaş arası uşaqların gün ərzində 30-40 dəq istifadə etmək hüquqları var. Bir çox müsəlman ölkələri isə bu platdormaya girişi qadağan edib.
Sosioloq Üzeyir Şəfiyev bildirib ki, bununla bağlı psixoloqların müəyyən etdiyi bir xəstəlik də var. Buna bəzən klip düşüncəsi də deyilir. Belə olduqda bu insanlar ancaq fraqmental düşünə bilirlər və sağ beyin yarımkürəsi zədələnir. Onlarda artıq riyazi-məntiqi düşüncə zəifləyir. Hətta bəzi ölkələrdə sosial şəbəkələrdən aslılıqla bağlı müalicəvi xəstəxanalar var.
Mütəxəssis Əli Nağıyev deyir ki, yeniyetmələr tiktok-a ünsiyyət vasitəsi kimi baxırlar. Çünki klinik psixologiyada ən aktual problem valideyn-övlad münasibətlərdir. Bu münasibətlər normal olmadıqda yeniyetmələr özləri üçün ünsiyyət vasitəsi kimi sosial şəbəkələri görürlər. Bu zaman həssas dövrdə olan şəxs sosial mediada yönünü itirmiş olur.
Əli Nağıyev bildirir ki, valideynlər hesab edir ki, övladlarını döyərək tərbiyələndirə bilərlər. Lakin tərbiyə sevgi ilə olur.
2018-ci ildə uşaqların zərərli informasiyalardan qorunması ilə bağlı qanun layihəsi qəbul olunub.Ekspertlər deyir ki, bu qanun layihəsinin icrasını sərtləşdirmək lazımdır.
Azərbaycanda tiktok və digər sosial şəbəkələrə məhdudiyyət tətbiq edilmədiyi halda valideynlərin üzərinə böyük yük düşür. Mütəxəssislər nəzarəti artırmağı, lakin bunun özünü də çərçivələr daxilində etməyi tövsiyə edir.
