Səudiyyə Ərəbistanı keçən il elan etdiyi Səudiyyə Kosmik Missiyası çərçivəsində yeni proqrama başlayacaq. Proqramla yanaşı, iki Səudiyyə astronavtı Beynəlxalq Kosmik Stansiyaya səfər edəcək. Təfərrüatlar xəbərlərdədir.
tehsil.media xəbər verir ki, Krallıq üçün tarixi bir an kimi təqdim edilən proqram mayın 21-də ABŞ-ın təşkil etdiyi təqdimatla baş tutacaq.

Proqramda Kosmik Komissiyasının müəyyən etdiyi təcrübəli astronom Əli ƏlQarni və ilk ərəb qadın astronavt kimi tanınan Rayyanah Barnawi iştirak edəcək.
Kosmik Stansiyada 14 qabaqcıl elmi təcrübə həyata keçirəcək astronavtlar, missiya zamanı canlı yayım vasitəsilə 12 min səudiyyəli tələbəyə təlim keçəcək.
Səudiyyə Ərəbistanı Krallığın "Vision 2030" məqsədlərindən birinə çevrilən kosmos işləri nəticəsində Beynəlxalq Kosmik Stansiyada eyni anda iki astronavt olan azsaylı ölkələrdən biri olacaq.