PIRLS 2026 ilə bağlı görüş təşkil olunub

PIRLS 2026 beynəlxalq qiymətləndirmə tədqiqatı çərçivəsində seçilmiş 12 ümumi təhsil müəssisəsinin direktorları, həmin məktəblərin IV sinif müəllimləri, eləcə də PIRLS və BilBacar üzrə koordinatorların iştirakı ilə görüş keçirilib.

Görüşdə Dağlıq Şirvan Regional Təhsil İdarəsinin Tədrisin Keyfiyyəti Sektorunun müdiri Cəmil Muradov, Azərbaycan Respublikası Təhsil İnstitutunun Metodiki xidmətin əlaqələndirilməsi şöbəsinin müdiri Səbinə Balayeva, həmçinin Tədrisin keyfiyyəti və yerli təhsil sektorlarının əməkdaşları iştirak ediblər.

Tədbir çərçivəsində PIRLS 2026 tədqiqatının əsas məqsədləri, əhəmiyyəti və tətbiq mexanizmləri barədə iştirakçılara məlumat verilib. Bununla yanaşı, şagirdlərin oxu bacarıqlarının inkişaf etdirilməsi istiqamətində həyata keçiriləcək fəaliyyətlər və bu prosesdə məktəblərin, müəllimlərin rolu diqqətə çatdırılıb.

Eyni zamanda BilBacar platformasının funksionallığı, imkanları və tədris prosesində səmərəli istifadəsi ilə bağlı məsələlər müzakirə olunub.

Görüş zamanı iştirakçıların sualları cavablandırılıb, mövzu ətrafında fikir mübadiləsi aparılıb.

#MÜTDA #EduAz #DağlıqŞirvanRTİ #PIRLS2026 #Görüş