Dos. İlham Əhmədov “QARABAĞ UNİVERSİTETİ”-nə kitab hədiyyəsi
UNEC-in “Elm Günləri”ndə “QARABAĞ UNİVERSİTETİ”-nə kitab hədiyyəsi təşəbbüsü davam edir. MM deputatları da bu təşəbbüsə
qoşulublar.
Biz də bir il əvvəl belə bir təşəbbüs etmişdik: KOBİA-nın qrantı hesabına 2022-ci ildə yazdığımız “Kiçik və orta biznesdə innovativ fəaliyyət (beynəlxalq təcrübə)” adlı kitabımızın bir neçə nüsxəsini keçən il “QARABAĞ UNİVERSİTETİ”-nə yollamışdıq.
Univeritetin rektoru, dosent Şahin Bayramov bu təşəbbüsmüzə görə minnətdarlıq məktubu yollamışdı. Amma bir il əvvəl bunu ictimailəşdirməmişdik. Necə deyirlər, “sağ əlin verdiyini, sol əl bilməz”, prinsipi ilə hərəkət etmişdik. İndi bu kompaniyaya qoşularaq bunu i
İctimailəşdirmək qərarına gəldik. Həm də ETN-ə bildirmək istəyirik ki, təhsilin inkişafı naminə heç vaxt, heç bir innovativ təşəbbüslərimizə dəstək verməsəniz də, məhdud imkanlarla təhsilə biz hər zaman tövfə veririk. Çünki, biz təhsilə biznes kimi yox, dəyər kimi, milli müqəddarat kimi baxırıq.
“QARABAĞ UNİVERSİTETİ”-nin inkişafına elmi-metodik dəstək məqsədi ilə ETN-nin təşkil etdiyi qrant müsbiqələrinə bir neçə dəfə layihə təqdim etsək də (““Qarabağ Universiteti”-də sahibkarlıq fəaliyyətinin təşkili” v.s. layihələr), ETN qrantları belə strateji layihələrə yox, öz “ ənənəsi” üzrə dostların mənasız layihələrə hədiyyə edib (“Məktəblərdə skaut klublarının yaradılması” v.s. kimi layihələrə).
ETN qrant paylayarkən, hər dəfə sübut edir ki, bu qurum faydalı layihə ilə faydasız layihənin fərqini bilmir, ya da ki, bilir, amma bu onlara “faydalı” deyil. Belə əhəmiyyətli layihələrə ETN heç vaxt dəstək verməsə də, bizim təhsil missiyamız davam edir. Son 20 ildə TN və ETN-nin səriştəsiz, səhvlərlə dolu və ziyanlı fəaliyyətinin ifşa edilməsinə dair silsilə məqalələr yazırıq. Artıq 1000+ məqalə yazmışıq, ümumi həcmi 3000 + səhifədən ibarət bu silsilə məqalələri, İnşaallah, 10 cildlik kitab kimi çapa hazırlayırıq.
Bu yeni kitabın adı “ TƏRSİNƏ QURULMUŞ TƏHSİL SİSTEMİ” olacaq. Bu kitabdan da bir neçə nüsxəsini inşaallah “QARABAĞ UNİVERSİTETİ”nə və əsərin qəhrəmanlarına hədiyyə edəcəyik.
