“VR ilə İngilis dilini öyrən” qrant layihəsi çərçivəsində açılış tədbiri baş tutub

“VR ilə İngilis dilini öyrən” qrant layihəsi çərçivəsində açılış tədbiri baş tutub.
Layihə çərçivəsində şagirdlərin Mondly platforması üzərindən AR və VR texnologiyaları vasitəsilə ingilis dilini öyrənməsi və layihəyə cəlb olunan ingilis dili müəllimləri üçün seminarların təşkili nəzərdə tutulur. Bu məqsədlə 50 şagird virtual reallıq, artırılmış reallıq və süni intellekt əsaslı alətlərdən istifadə edərək interaktiv dərslərə cəlb olunacaq, müəllimlər isə platforma üzərindən öyrənmə prosesini izləyib qiymətləndirmə aparacaqlar. Layihə 6 ay müddətində icra olunacaq.
Xatırladırıq ki, “VR ilə İngilis dilini öyrən” qrant layihəsi Təhsildə İnkişaf və İnnovasiyalar üzrə IX Qrant Müsabiqəsinin qalib layihələrindəndir və Cəmilə Bədəlzadə tərəfindən Bakı şəhər 57 nömrəli tam orta ümumtəhsil məktəbində həyata keçirilir. Layihənin məqsədi 8, 9 və 10-cu sinif üzrə 50 nəfər şagirdi Mondly platformasında innovativ texnologiyalar (AR və VR) vasitəsilə ingilis dilinin öyrənilməsi prosesinə cəlb etmək və onların tədris nəticələrini yüksəltməkdir.