UNEC nəzdində Kollec sertifikatlar əldə edib
UNEC nəzdində Qida Sənayesi Kolleci təhsilin keyfiyyətinin artırılması və idarəetmə mexanizmlərinin təkmilləşdirilməsi istiqamətində mühüm uğura imza atıb.
AzEdu.az xəbər verir ki, belə ki, kollec beynəlxalq idarəetmə standartları üzrə nüfuzlu sertifikatlar əldə edərək, təhsildə keyfiyyət və müasir yanaşmanı rəsmi şəkildə təsdiqləyib.
Tədris və idarəetmə proseslərinin müasir dövrün tələblərinə uyğunlaşdırılması istiqamətdə həyata keçirilən sistemli işlərin nəticəsi olaraq, UNEC nəzdində Qida Sənayesi Kolleci ISO 9001:2015 – Keyfiyyətin İdarəetmə Sistemi və ISO 21001:2018 – Təhsil və Təlim Təşkilatları üçün İdarəetmə Sistemi standartları üzrə uyğunluq auditindən uğurla keçib.
Auditin nəticəsində Qida Sənayesi Kolleci müvafiq beynəlxalq sertifikatlara layiq görülüb.
ISO 9001:2015 sertifikatı kollecdə inzibati idarəetmənin şəffaflığına və effektivliyin təmin edildiyinə, ISO 21001:2018 standartı isə təhsilin keyfiyyətinə, tələbə məmnuniyyətinə və tədris metodologiyasının beynəlxalq meyarlara uyğunluğuna zəmanət verir.
