ŞİKAYƏT VAR!!!

Azərbaycan Respublikasının Prezidenti
cənab İlham Əliyevə
Azərbaycan Respublikasının Birinci vitse-prezidenti
Mehriban xanım Əliyevaya
Hörmətli cənab Prezident,
Hörmətli Mehriban xanım,
Bu müraciətlə Ağdam rayon sakini, Bərdə Rayonu 866 nömrəli qəsəbədə yaşayan şəhid evladı, 2-ci qrup əlil Qurbanov Ülfət Əliqismet oğluna qarşı illərdir davam edən haqsızlıq barədə Sizə məlumat vermək və kömək göstərilməsini xahiş etmək istəyirəm.
Qurbanov Ülfət Əliqismet oğlu 2003-cü ildən hərbi xidmətdə olarkən asma xəstəliyinə tutulmuş, 2005-ci ildən etibarən Sizin və Mehriban xanım Əliyevanın göstərişi ilə dövlət xəstəxanalarında müalicə almışdır. Mehriban xanıma edilən müraciətdən sonra 2011-ci ildə ona 2-ci qrup əlillik pensiyası təyin edilmişdir.
2025-ci ildə artıq 15 il fasiləsiz əlillik pensiyası almasına baxmayaraq, o, yenidən Ağdam–Ağcabədi Mərkəzi Xəstəxanasında və “DOST” Mərkəzində tibbi komissiyadan keçirilmiş, əlilliyi tam şəkildə təsdiqlənmişdir. Buna baxmayaraq, 12.01.2026-cı il tarixində ona cəmi 1 il müddətinə əlillik təyin edilmişdir.
Halbuki, uzunmüddətli tibbi vəziyyəti dəyişməyən, 15 ildən artıq əlillik pensiyası alan şəxsə müddətsiz (ömürlük) əlillik təyin olunmalıdır. Sosial Müdafiə Nazirliyi və Əlillərin Bərpa Mərkəzi tərəfindən hər il eyni şəhid övladının təkrar-təkrar komissiyalara cəlb edilməsi onun sağlamlığına, psixoloji durumuna mənfi təsir göstərir və haqlı narazılıq yaradır.
Şəhid övladı olaraq müraciət edir və xahiş edirəm:
Qurbanov Ülfət Əliqismet oğluna qarşı yol verilmiş haqsızlıqlar yenidən araşdırılsın;
Ona 2-ci qrup əlilliyin müddətsiz (ömürlük) təyin olunmasına köməklik göstərilsin;
Bu haqsız qərarları verən və süründürməçiliyə yol verən şəxslər barəsində qanunauyğun tədbirlər görülsün.
Əminəm ki, Sizin ədalətli mövqeyiniz nəticəsində şəhid ailəsinə qarşı bu haqsızlığa son qoyulacaq və məsələ qanun çərçivəsində həllini tapacaqdır.
Dərin hörmətlə,
Qurbanov Ülfət Əliqismet oğlu