Şükran Mustafayevin rəhbərlik etdiyi 254 saylı məktəbdə “summativ” “fond” “printer” pulu yığılır-Videofakt

Xətai rayonu 254 saylı tam orta məktəbdə şagirdlərdən “summativ pulu” “fond pulu” yığıldığı iddia edilir.

Bildirilir ki, qiymətlər siniflərə görə dəyişir – aşağı siniflərdən 5 manat, yuxarı siniflərdən isə 10 manat tələb olunur.

XALQ xəbər verir ki, valideynlər və şagirdlər bu praktikanın artıq ənənəyə çevrildiyini bildirirlər. İddialara əsasən, hər tədris ilinin əvvəlində summativlərin keçirilməsi üçün tələb olunan materialların çapına görə bütün siniflərdən pul yığılır. Hətta aşağı siniflərdə printer alınması üçün də pul yığılır. Valideynlər bu məsələyə öz vatsap qruplarında narazılıq etsələrdə aşağı sinif şagirdlərnə qarşı laqeyd münasibətə görə məcburi pul yığımına qoşulurlar.

Valideynlərlə bildirir ki, artıq adət halı yaranıb hər həftə müxtəlif pul yığılma prosesləri baş verir.Hər uşağın valideynləri olanda da, olmayanda da, məcbur ödəmək məcburiyyətində qalır, çünki ödəməyənlərə qarşı münasibət dəyişir . Sinifdə maddi durumu çox aşağı olan valideynlər var bunu nəzərə almirlar. Bir qrup valideyn bildirir ki, toplanılan vəsaitdən təngə gəldiklərini deyirlər. Hətta pulu verməyən şagirdlərin müəllimlər tərəfindən təhdid edildiyini iddia edənlər də olub. “Müəllimlər günü” üçün, sinfidə uşaqlardan 360 manat yığıldı, indi isə “fond pulu” adı hər uşaqdan 10 azn toplanır. “Printer” ve.s adi ilə bu proses davam edir. Əlbəttə biz bilirik ki, pulu direktorun tələbi ilə yığılır, müəllimə özbaşına bu qədər pul yığa bilməz. Valideynlər artıq bu qədər tez-tez pul tələb edilməsindən narazıdırlar.

Məsələ ilə bağlı 254 saylı orta məktəbin direktor vəzifəsini icra edən Şükran Mustafayevlə əlaqə saxladıq.O, açıqlama verməkdən imtina etdi.

Məsələ ilə bağlı qurumlara sorgu göndərilib.