Abdullayev Putin fonduna bir milyon dollar verib saat aldı

Fəaliyyəti dayandırılan Azərbaycan Beynəlxalq Universitetinin (ABU)sabiq rektoru, qatı cinayətkar, Vətən xaini Elşad Abdullayevin öhdəsindən gələ bilmir. Özünün saxlanılaraq Azərbaycana ekstradisiya edilməsi bir yana dursun, onun xain fəaliyyəti getdikcə genişlənir. Son günlər dünya ictimayıtinin diqqətini cəlb edən, bunlardan əlavə ölkə və millət adına xələl gətirən Elşad Abdullayev olayı bir çoxlarına məlumdur. Bu saxta professor bütün imkanlardan istifadə edərək Azərbaycan dövlətinə və dövlətimizin nüfuzlu şəxslərinə qara yaxmaqla özünü qəhrəman sayır.

Keçmiş rektor iyrəncliklərdən kifayətlənmək əvəzinə daha da özünü rəzil duruma salmaqdan ötrü hər şey edir. Əldə etdiyimiz və şok doğuracaq məlumat ondan ibarətdir ki, millətin üz qarası Elşad Abdullayev “Putin Fonduna” 1000000 $ ABŞ dolları vəsait keçirmişdir.

Bunun müqabilində Rusiya Prezidenti Vladimir Putin E. Abdullayevə öz təşəkkürünü bildirib və ona saat bağışlayıb. Görünən odur ki, Azərbaycana qarşı heç də xoş olmayan Rusiya münasibətlərində maraqlı tərəflər lazımı istifadə metodundan yaralanır. Əvvəla, sabiq rektor interpol xətti ilə axtarışdadır və onun həbs edib Azərbaycana təhvil verilməsi istiqamətində addımlar atılmalıdır. Lakin başda Rusiya olmaqla bəzi ölkələr sanki E. Abdullayevin təhlükəsizliyinə öhdəlik götürüb. Sual yaranır. Əgər doğrudanda ABU-ın sabiq rektoru Beynəlxalq Axtarışdadırsa necə Rusiya və digər ölkələrin səfirliyində sərbəst hərəkət edir? Suallar kifayət qədər. Amma maraqlı məqam ondan ibarətdir ki, bu sualların cavabını kimin nəzərində tapmaq olar?

Onu da bildirək ki, bu Elşad Abdullayevin Azərbaycana qarşı ilk xain addımı deyil. Bir neçə il əvvəl Elşad Abdullayev Azərbaycan Beynəlxalq Universitetinin Moskva filialını ermənilərə 60 milyon dollara satmaq istəmişdi.