Celebry imtahanı və ChatGPT cavabları

2024-2025-ci tədris ilində Azərbaycan təhsilinə Celebry imtahanları qədəm qoydu. Dəfələrlə maliyyənin boşuna ayrıldığını, Azərbaycan təhsil səviyyəsinə uyğun olmadığını bildirdik. Üstəlik heç bir hazırlığın olmaması şagirdləri daha məyus

Celebry imtahanı bu il Azərbaycan təhsilinə qədəm qoydu. "Yuxarıdan" gələn əmrlə bütün müəllimlər şagirdləri məcbur etdilər ki, mütləq hamı göndərilən linkə daxil olub testi işləməlidir. Hətta test işləmə yolunu da göstərdilər. ChatGPT vasitəsilə bütün sualları düzgün yazdılar. Məktəblər arasında saxta rəqabət yaradıldı. Yuxarıdan sıra ilə hər kəs zorakılıq və məcburiyyət halında testdə iştirak etməyə məcbur etdilər.
Valideynlər də öz növbəsində şikayət edir və övladlarının qoşulmasını istəmirdilər.
Testlərin çox ağır olması, heç bir hazırlıq olmadığı, əlavə məşğələ keçirilmədiyi üçün tapşırıqlar haqda şagirdlərin heç bir məlumatlarının olmaması vəziyyəti daha çətinləşdiriridi. Çünki şagirdlərə tamamilə yad idi. Bu baxımdan həm şagirdlərdə özgüvən, inam problemi yaradır, qapalı düşüncə tərzinə salırdı, həm də boşuna zorakılıq və lazımsız rəqabət yaratmaqla müəllim, şagird, valideyn və məktəb rəhbərliyi üçün problem yaradırdı.

Saxta imtahan nəticələri və saxta qeydlərlə sanki uğurlu imiş kimi göstərilən bu layihələr Azərbaycan təhsilini məhv etməyə davam edir.