BANM-də “Daha yaxşı enerji keçidi üçün həllər hansılardır?” adlı müsabiqə keçirilib

Bakı Ali Neft Məktəbində (BANM) “Daha yaxşı enerji keçidi üçün həllər hansılardır?” adlı müsabiqənin bağlanış mərasimi keçirilib.

TƏHSİL.BİZ xəbər verir ki, tədbirdə BANM-in rektoru Elmar Qasımov, İtaliyanın “Marie” şirkətinin Azərbaycan, Türkiyə və Gürcüstan bölgəsi üzrə vitse-prezidenti Lucio Negro, Mərkəzi Asiya, Xəzər və Türkiyə regionu üzrə vitse-prezidenti Nikolo Heilpern, İtaliyanın Bakıdakı Səfirliyinin birinci katibi cənab Marvin Seniga, eləcə də “Maire”nin layihə mühəndisi və BANM məzunu Zərifə Orucova və insan resursları üzrə meneceri Aida Bəşirova iştirak ediblər.

Şirkətin İnstitsional əlaqələr, kommunikasiya və davamlılıq üzrə vitse-prezidenti Nicolais Carlo olmaqla, bir sıra nümayəndələri isə onlayn formatda tədbirə qoşulublar.

Müsabiqənin qalibi “Block Power” və “Climasel” komandaları olub və hər komandaya 3000 AZN məbləğində pul mükafatı təqdim edilib.

“Block Power” komandası:

Anar Nəcəfli ( kapitan ) – Proseslerin avtomatlaşdırılması mühəndisliyi, IV kurs

Fidan Kərimli – Proseslerin avtomatlaşdırılması mühəndisliyi, IV kurs

Nicat Piriyev –⁠ Proseslerin avtomatlaşdırılması mühəndisliyi, IV kursSahib Rzayev – Kompüter mühəndisliyi, IV kurs

Rəvan Quluzadə – Proseslerin avtomatlaşdırılması mühəndisliyi, IV kurs

“Climasel” komandası:

Fatimə Nəsirova – Kimya mühəndisliyi, III kurs

Xəyalə Miriyeva – Kimya mühəndisliyi, III kurs

Zərifə Əsədullayeva – Kimya mühəndisliyi, III kurs

Aydan Eyvazova – Biznesin idarə edilməsi, III kurs

Qüdrət Abbaslı – Biznesin idarə edilməsi, III kurs

Ümumilikdə BANM-dən 37 komanda müraciət edib.

Məqsəd tələbələrin enerji keçidi sahəsində innovativ ideyalar irəli sürməsinə dəstək vermək və bu sahədə beynəlxalq təcrübəni bölüşməkdir.