Dərs proqramı və dərsliklərdən bütün təhsil iştirakçıları birmənalı olaraq narazıdır. Davamlı şikayət edirlər. Proqram ağırdır, biliklər şagirdlərin yaş səviyyəsinə uyğun deyil. Şagirdlər dərsi qavramaqda çətinlik çəkirlər, valideyn və müəllimlər bu uyğunsuzluqdan əziyyət çəkir, şagirdlər ağır stress altındadır, dərsliklər məktəbin infrasturktur və maddi-texniki bazası ilə mütənasib olmadığından daha çox anlaşılmazlıq yaradır. Nazirlik isə problemin həllinə dair heç bir addım atmır. Əksinə vəziyyəti daha da gərginləşdirir.

Ölkəmizdə təhsilin real vəziyyətini qəbul etmədiyimiz müddətdə təhsilimizi inkişaf etdirə bilmərik. Bu gün Beynəlxalq qiymətləndirmə adı ilə xüsusi məktəblərin istedadlı şagirdləri üzrə imtahan keçirib bunun əsasında proqramı yeniləmək, dərslikləri yeniləmək düzgün deyil. Ölkədəki ümumi vəziyyəti müəyyənləşdirməyi xüsusi məktəblərdəki istedadlı uşaqlar üzərindən edəcəyinizə, saxtalaşdırılmış sənədlər üzərindən edəcəyinizə daha ədalətli olun və ölkədəki ümumi vəziyyətə uyğun hərəkət edin. Proqram çox ağırdı, biliklər şagirdlərin yaş səviyyəsinə uyğun deyil. Şagirdlər narazıdır, valideynlər narazıdır, müəllimlər narazıdır amma ETN Beynəlxalq qiymətləndirmə deyib durur. Bu "fakt" heç də ədalətsiz olan qərarınıza bəhanə deyil. Bütün ölkə narazılıq bildirir, amma qərar verənlər çox uğurludur deyir. Onda burdan ortaya belə bir sual çıxır: Təhsil kim üçündür? Şagird deyil, müəllim, deyil, valideyn deyil! Bəs təhsil kim üçündür? Sinqapur təhsil sisteminə keçiblər, dərslikləri dəyişiblər, təbiət elmlərinə 5 E modeli əsasında dərslər və dərsliklər yönləndiriblər. Necə ? Sinqapurdakı kimi müəllim və şagirdləri təmin etmisinizmi? Məktəblərdə infrastruktur və maddi texniki - baza yerindədirmi? Onlardakı inkişaf ardıcıllığı, prinsipi bizdə varmı? Onlarda birdən-birə tam əsssız anormal qərarlar verirmi? Xeyr!

Dərsliklər 5 E modelinə uyğun hazırlanır. Müəllimlərin fəaliyyət icra etməsi üçün laboratoriya, avadanlıqlar varmı? Şəraiti yaratmısınızmı? Yox! Onda yalandan 5 E modelinə nə ehtiyac var?! Zatən təlim modellərinə fərqləndirən kiçik faktorlardır. Təbiət elmləri də humanitardan fərqli olaraq fəaliyyət, praktika, əyanilik ortaya qoymalıdır. Əgər müəllim şəkiç göstərəcəksə, video göstərəcəksə, onda niyə 5 E, elə interaktiv keçsinlər. Bununla kimi aldadırsınız???