Təhsildə məqsəd nədir? Nə istəyirik? Nə edirik?

Sizin övladınız bir səhv etdikdə, bir şeyi unutduqda, ya da xəstələndikdə onu öldürürsünüz??? Yoxsa müalicə edib, başa salıb həyata qazandırırsınız?
Yaxşı öldürmək sizi yaxşı insan edir, yoxsa həyata qazandırmaq?
Öldürmək ədalətlidir, yoxsa həyata qazandırmaq?

Biri sizin illərlə çəkdiyiniz əziyyəti, başqaları əylənərkən siz hazırlığa gedirsiz, başqaları yatarkən siz univeristetə gedirsiniz, başqaları həyatlarını yaşayarkən siz imtahana hazırlaçırsınız. Əlinizdən gələni edirsiniz, amma sizə dəstək olmaq yerinə sən HEÇ NƏSƏN. deyirlər, alçaldırlar, çəkdiklərini, etdiklərini heçə sayırlar.

Bu düşüncədə olan insanlar isə bir toplumu, cəmiyyəti, ən şərəfli və müqəddəs peşə sahiblərini məhv etməyə davam edir!

Budur ədalət!

Nə istəyirsiniz? Məqsədiniz nədir?
Bu iki sual çox önəmlidir. Hələ də təhsildə.

Tutaq ki, müəllimləri sertifikasiya etdik və müəllim zəif imiş. Əla, çox gözəl. İndi bizim problemimiz nədir? Məktəblərdə zəif müəllim olmasın. Niyə? Çünki uşaqların inkişafını düzgün təmin etməyə bilər, bu da geriləmə edə bilər.
Məqsədimiz nədir? Güclü, savadlı müəllim olması.

İndi sizcə, düzgün münasibət- HƏMİN MÜƏLLİMLƏRİ YENİDƏN TƏHSİLƏ QAZANDIRMAQ, İLLƏRLƏ ÇƏKDİYİ ƏZİYYƏTİ DƏYƏRLƏNDİRMƏK, ONA TAM DƏSTƏK OlMAQ, MÜƏLLİMİN ŞƏRƏF VƏ LƏYAQƏTİNİ QORUMAQ deyilmi? Yəni, həmin müəllimi kurslara cəlb edərəm, ta ki, ondan tam effekt alana kimi. Qazanılmış bir müəllim. Qorunmuş bir ailə. Dəyərləndirilmiş bir müəllim. Müəlliminin şərəf, ləyaqətini, yaşayışını, illərlə çəkdiyi əziyyəti düşünən bir Təhsil.

Bəs biz nə edirik? Kəsirik, efirdə, birifində, sosial mediada biabr edirik, sonra sıranın başqalarına gəlməsini gözləyirik. Yarı müəllimləri belə alçaldıb, digər yarı müəllimləri də müəllimlərin şərəf və ləyqalətinə hörmət etmələri ilə hədələyirik.