Bakı şəhər Təhsil İdarəsinin tabeliyində fəaliyyət göstərən 244 nömrəli məktəbdə şagirdlərin dərsə davamiyyətinin aşağı düşməsinin səbəbi və bunun qarşılığında direktorun hər uşaqdan 10 manat tələb etməsi barədə xəbər vermişdik. Bildirilmişdi ki, 10 və 11-ci sinif şagirdləri şənbə və bazar dərsə gəlməyə bilər. Ancaq buna görə hər şagird mütləqdir ki, 10 manat ödəsin. Mövcud məsələ ilə bağlı Bakı şəhər Təhsil İdarəsinə ünvanladığımız sorğudan sonra məktəbdə yaranan rüşvət qalmaqalı öz həllini tapıb.

Bu barədə Den.az-a sözü gedən məktəbin valideynləri məlumat veriblər.

Bildirilib ki, direktor Yahya Abbasov şagirdlərin hər birinin məktəbə gəlməsini və dərsə davamiyyətinin dərhal yüksəldilməsini tapşırıb. Eləcədə hər şagirddən alınacaq 10 manat söhbətinə isə birdəfəlik son qoyulub.

***
Binəqədi rayonu ərazisində fəaliyyət göstərən 244 nömrəli tam orta məktəbdə şagirdlərin hər birindən 10 manat tələb olunub.

Bu barədə "Den.az"-a sözü gedən məktəbin valideynləri məlumat verib.

İddia olunur ki, 244 nömrəli tam orta məktəbin direktoru Yahya Abbasov müavinlərinə böyük siniflərdə hər bir şagirddən 10 manat yığılmasını tapşırıb. Bildirilib ki, bayram ərəfəsində 10 və 11 ci sinif şagirdləri məktəbə gəlməyə bilər. Ancaq onun müqabilində hər bir şagird 10 manat ödəməlidir. Bu barədə valideynlərə məlumat verilib.

Etiraz əlaməti olaraq şagirdlərdən bəziləri məktəbə gəlməyi üstün tutub. Buna görə məktəbdə valideynlərdə müəllimlər arasında rüşvət qalmaqalıda yaşanıb.

Mövcud vəziyyətlə bağlı məktəb rəhbərliyi ilə əlaqə saxlasaqda lakin bu mümkün olmayıb.

Qarşı tərəfindən mövqeyini dərc etməyə hazırıq.